اتر پردیش میں دو افراد کی ویڈیوز سامنے آئی ہے جو کورونا ویکسی نیشن سے بچنے کی کوشش کر رہے ہیں، ایک شخص درخت پر چڑھ گیا جب کہ دوسرے نے ہیلتھ ورکر کی پٹائی کردی۔

اتر پردیش کے بلیا میں صحت کے حکام کی ایک ٹیم کو کووِڈ ویکسی نیشن مہم کے دوران ایک دور افتادہ گاؤں میں انتہائی مشکلات کا سامنا کرنا پڑا۔

سوشل میڈیا پر اس واقعے کی ویڈیو وائرل ہوگئی جس پر ایک شخص ہیلتھ ورکرز سے خوفزدہ ہوکر درخت پر چڑھ گیا جسے لوگ آواز لگا کر کہہ رہے تھے مہربانی کرکے نیچےآجاؤ۔

ہیلتھ ورکرز سے خوفزدہ شخص نے اوپر سے ہی آواز لگاتے ہوئے کہا کہ میں نیچے نہیں آؤں گا، مجھے ڈر لگتا ہے۔

طویل تگ و دو کے بعد وہ شخص بالآخر صحت کے اہلکاروں کے ساتھ تعاون کرتا ہے اور درخت سے نیچے آجاتا ہے اور ویکسین لگوا لیتا ہے۔

#WATCH | Ballia, Bihar: Atul Dubey, Block Development Officer, Reoti says, "A man climbed a tree as he didn't want to take the vaccine, but agreed to take the jab after he was convinced by our team."

(Source: Viral Video) pic.twitter.com/aI054zh9Y4

— ANI (@ANI) January 20, 2022

ایک اور ویڈیو میں ایک شخص کو صحت کے حکام کے ساتھ کُشتی کرتے ہوئے دیکھا گیا ہے جب وہ کووِڈ ویکسین لگنے سے بچنے کی کوشش کرتا ہے اور کہتا ہے میں بعد میں ویکسی نیشن کے لیے آؤں گا ابھی نہیں۔

#WATCH Boatman refuses to take vaccine, mishandles a health care worker

He was apprehensive initially but was convinced eventually to take vaccine. In another instance,a man climbed tree but took the vaccine eventually: Atul Dubey,Block Dev Officer,Reoti

(Source: Viral video) pic.twitter.com/fVk5BGbP46

— ANI (@ANI) January 20, 2022

اس ویکسی نیشن مہم کی نگرانی کرنے والے ایک ہیلتھ ورکر نے واقعے کی وضاحت کرتے ہوئے کہا کہ یہ ویڈیوز صحت کے اہلکاروں نے ویکسی نیشن مہم کے دوران بنائی تھیں، درخت پر چڑھنے والا شخص شروع میں ہچکچاہٹ کا شکار تھا، ہم نے اسے سمجھا دیا اور اسے تھپڑ مارا جب کہ دوسرا شخص ڈرگیا کہ ہم اسے زبردستی لے جائیں گے اور اس لئے وہ جارحانہ ہو گیا۔

واضح رہے اتر پردیش میں ہیلتھ ورکرز کو درپیش چیلنجز کا سامنا رہتا ہے کیونکہ وہ زیادہ سے زیادہ لوگوں کو سختی سے کورونا وائرس کے خلاف ویکسی نیشن لگانے کی کوشش کرتے ہیں۔