آج ہم آپکو بتائیں گے کہ ڈراؤنے خواب کیوں آتے ہیں اور ان سے چھٹکارا حاصل کرنے کے آسان طریقے کونسے ہیں۔
ماہرین کے مطابق ڈراؤنے خواب ریپڈ آئی موومنٹ کے دوران آتے ہیں۔
ریپڈ آئی موومنٹ کیا ہے؟
جس لمحے آپ کو ڈراؤنے خواب دکھائی دیں وہ ریپڈ آئی موومنٹ کہلاتا ہے، اس میں آپ کا بلڈ پریشر بڑھتا ہے، دل کی دھڑکنیں تیز جبکہ سانس لینے کی رفتار بھی قدرے بڑھ جاتی ہے۔
اس کیفیت میں آپ کی بند آنکھیں تیزی سے حرکت میں ہوتی ہیں جبکہ جسم کا نچلا حصہ بازو ٹانگیں اور کمر حرکت کرنے کے قابل نہیں رہتی۔
یہ بھی کہہ سکتے ہیں کہ کئی بار اس حالت یعنی ریپڈ آئی موومنٹ کے دوران آپ ‘سلیپ پیرالائز’ کی کیفیت کا سامنا کرتے ہیں۔
ڈراؤنے خواب آنے کی کیا وجوہات ہیں؟
ماہرین کے مطابق ڈراؤنے خواب آنے کی وجوہات اس پر مبنی ہیں کہ آپ اپنی زندگی کس طرح گزار رہے ہیں۔
جب آپ کا دماغ مسلسل سوچوں میں گم ہو اور منفی خیالات سے بھرا ہو تو ڈراؤنے خواب آتے ہیں، پریشانی کے عالم میں بھی اس قسم کے خواب کا سامنا کرنا پڑ سکتا ہے۔
اسٹریس ہارمونز کورٹیسول اور اینڈرینالائن میں اضافے کے سبب آپ کو ڈراؤنے خواب پریشان کرسکتے ہیں، اعصابی دباؤ کے سبب ان ہارمونز میں اضافہ ہوتا ہے۔
ماہرین کے مطابق زیادہ کھانے اور پھر اس کے بعد فوراً سوجانے سے بھی ڈراؤنے خواب آسکتے ہیں۔
ڈراؤنے خواب سے کیسے چھٹکارا حاصل کرسکتے ہیں؟
ماہرین کے مطابق ڈراؤنے خواب سے بچنے کا طریقہ ہے کہ اپنی پریشانیوں کا علاج کیا جائے۔
کوشش کریں بستر پر جانے سے قبل آپ کا ذہن پرسکون ہو اور بہت سی ادویات لینے سے گریز کریں۔
اس کے علاوہ کھانے کے فوراً بعد سونے کی عادت ہے تو اسے فوری ترک کریں اور کوشش کریں رات کے کھانے کے بعد آدھا گھنٹہ لازمی چہل قدمی کریں اور پھر کھانے سے دو سے ڈھائی گھنٹے بعد سوئیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News