دنیا میں بلندوبالا عمارتوں کی تعمیر اب کوئی نئی بات نہیں تاہم ہر ملک یہ چاہتا ہے اسے دنیا کی سب سے اونچی عمارات بنانے کا اعزاز حاصل ہو۔

رواں برس کے آغاز پر دنیا کے بلند وبالا آرکیٹیکچر پروجیکٹ کے حوالے سے ایک رپورٹ سامنے آئی ہے جس کے مطابق سعودی عرب میں جدہ اکنامک کمپنی ٹاور کی تعمیر کی جارہی ہے  جو حیرت انگیز طور پر بلند ہے۔

جے ای سی ٹاور (جدہ اکنامک کمپنی ٹاور) سعودی عرب کے پورٹ سٹی جدہ میں تعمیرکیا جارہا ہے اور اس کی قیادت سعودی شہزادہ الولید بن طلال آل سعود کر رہے ہیں۔

واضح رہے کہ یہ وہی عمارت ہے جسے پہلے اس عمارت کو پہلے ’’کنگڈم ٹاور‘‘ اور ’’جدہ ٹاور‘‘ کا نام دیا گیا تھا۔

اس عمارت کی بلندی کے بارے میں ابھی تک عوامی سطح پر بات نہیں کی گئی تاہم اس کے آرکیٹیکٹ ایڈریان اسمتھ  گورڈن گل نے تصدیق کی ہے کہ اس کی اونچائی 1 کلومیٹر (0.62 میل) سے زیادہ ہوگی۔

ایڈریان اسمتھ  کے مطابق اس اونچائی کے ساتھ یہ  دنیا کی سب سے بلند عمارت بن جائے، یہ حیرت انگیز طور پر دبئی کے برج خلیفہ سے نمایاں طور پربلند،  امریکہ کے ون ورلڈ ٹریڈ سینٹر سے تقریباً دو گنا اور مغربی یورپ کی عمارت دی شارڈ سے تین گنا بلند ہوگی۔

جے ای سی ٹاورکی تعمیر مکمل ہونے پر اس میں 157 منزلیں اور 59 لفٹس ہوں گی۔

یہ عمارت دنیا کو سب سے بلندی سے دیکھنے کا موقع بھی فراہم کرے گی، اس کے علاوہ اس میں دنیا کا بہترین ہوٹل اور دفاتر کے علاوہ سعودی شہزادوں کے لیے کچھ پرتعیش رہائشی جگہیں بنائی جائیں گی۔

نیوز ویک کے مطابق پروجیکٹ پر کام ایک طویل وقفے کے بعد رواں برس جنوری میں  دوبارہ شروع کیا گیا، جس کے بعد سے اب تک سائٹ پر کام تیز رفتاری سے جاری ہے، اور عمارت کا مرکزی کور 69 ویں منزل تک پہنچ چکا ہے، جب کہ اس کے کنارے والے حصے تقریباً پانچ منزلیں پیچھے ہیں۔

 اس بڑے پروجیکٹ میں درکار کنکریٹ کا تقریباً 50 فیصد اب تک ڈالا جا چکا ہے۔

اگرچہ عمارت کی تعمیر میں ابھی کافی کام باقی ہے، لیکن تعمیراتی کمپنی نے تصدیق کی ہے یہ عمارت 2028 میں مکمل ہوجائے گی۔