موبائل فون اب روزمرہ کے معمولات کا ایک اہم اور لازمی جز بن گیا ہے، یہی وجہ ہے اس کے چارجر کے ساتھ اب اس کا اسٹینڈ ساتھ رکھنا بھی ضروری ہے، اس مسئلے کے حل کے لیے می ٹول ڈیزائن ایک ایسا موبائل اسٹینڈ بنایا جس میں روزمرہ کے کاموں میں مدد گار ٹول شامل ہیں۔

ایس اسٹینڈ 2.0 نامی یہ موبائل اسٹینڈ صرف 4.5 انچ (11.4 سینٹی میٹر) لمبا ہے، اور اس میں 12 ٹولز موجود ہیں جو اسے متاثر کن سیٹ بناتے ہیں۔

اس کی سب سے بڑی خصوصیت اس کا فون اسٹینڈ ہے، جس میں عمودی یا افقی دونوں طریقوں سے تقریباً کسی بھی ماڈل کو آسانی سے رکھا جاسکتا ہے۔ اور 2.8آنس (80 گرام) کے ٹائیٹینیم فریم کی مدد سے مضبوطی سے تھام سکتا ہے۔

اس کے علاوہ، ایس اسٹینڈ میں جو اضافی ٹول موجود ہیں ان میں 360  ڈگری پروٹریکٹر، ڈوئل اسکیل رُولر، نیل کٹر، ٹن اوپنر، سافٹ ڈرنک اوپنر،وائر بینڈر ہولز، رسی کاٹنے کا آلہ، 4  سائزمیں پیچ کھولنے کا ٹول، اسپوک رنچ، دو 6 ملی میٹر ہییکس بٹس کے لیے مقناطیسی اسٹوریج شامل ہیں۔

اس میں دو سلاٹس بھی دیے گئے ہیں جہاں آپ ٹریٹیئم ٹیوبز فٹ کر سکتے ہیں جو اندھیرے میں چمکتی ہیں اس طرح ٹول کو اندھیرے میں تلاش کرنا آسان بناتی ہیں۔ اور اس میں کی چینز ایک سوراخ بھی دیا گیا ہے۔

یہ ایک چھوٹے سے پیکج میں بہت سے کار آمد ٹولز فراہم کرتاہے، اس کی متوقع قیمت 102 امریکی ڈالر ہے، لیکن کراؤڈفنڈنگ مہم کے صفحے پر یہ ابتدائی خریداروں کے لیے صرف 65 ڈالر میں دستیاب ہے۔