کرا چی میں وزیرِ اعظم عمران خان سے ٹیکسٹائل، لیدر، ہوزری، ٹاول مینوفیکچرنگ سیکٹرز کے وفود کی ملاقات ہو ئی ہے۔
اس ملاقات میں گورنر سندھ عمران اسماعیل، وفاقی وزیر حماد اظہر، مشیر خزانہ ڈاکٹر عبد الحفیظ شیخ، وزیر بحری اُمور علی زیدی، چیئرمین ایف بی آر سید شبر زیدی ، وزیر آبی وسائل فیصل واوڈا، مشیر تجارت عبدالرزاق داؤد، مشیر اصلاحات ڈاکٹر عشرت حسین ، چیئرمین بورڈ آف انویسٹمنٹ سید زبیر حیدر گیلانی اور گورنر اسٹیٹ بینک ڈاکٹر رضا باقر موجود تھے۔
اس موقع پر گفتگو کرتے ہوئے وزیر اعظم کا کہنا تھا کہ میرے آنے کا مقصد یہی ہے کہ آپ کے مسائل حل کروں۔ میری پوری معاشی ٹیم یہاں موجود ہے تاکہ مسائل کا فوری حل نکالا جائے۔
انہوں نے مزید کہا کہ کاروباری برادری پارٹنر بن کر حکومت کے ساتھ کام کریں۔
اس اہم ملاقات میں وفود نے ٹیکس نظام میں اصلاحات، مہنگائی پر کنٹرول، اسمگلنگ کی روک تھام، کاروبار میں آسانی، سرمایہ کاری میں فروغ، روزگار کے مواقع بڑھانے اور محصولات میں اضافہ کے حوالے سے تجاویز پیش کیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
