وزیراعظم عمران خان نے ذخیرہ اندوزی اورگراں فروشی کےخلاف گھیرا تنگ کرنے کا فیصلہ کر لیا ہے۔

تفصیلات کے مطابق وزیراعظم عمران خان نے ذخیرہ اندوزی اور اورمصنوعی مہنگائی کے خلاف گھیرا تنگ کرنے کا فیصلہ کرتے ہوئے مہنگائی کے معاملے پراجلاس ہوا۔

اجلاس میں وفاقی حکومت اور چاروں صوبوں کے اعلیٰ حکام جبکہ پنجاب اورخیبر پختونخواکےوزرائے اعلیٰ نے بھی شرکت متوقع ہیں۔

اس موقع پروزیراعظم عمران خان نے ذخیرہ اندوزوں کے خلاف قانون کے تحت کارروائی اور آپریشن کا فیصلہ کیا اورمہنگائی پرقابو پانے کے لئے سخت اقدامات کی بھی ہدایت کردی ہے۔

اجلاس میں وفاقی اور صوبائی حکام کی جانب سے مہنگائی کنٹرول کرنے سے متعلق  اقدامات کی رپورٹ بھی پیش کی گئی۔

عمران خان نے کہا کہ اشیائے خوردونوش کی قیمتوں کو کنڑول کیا جائے،تمام ضلعی انتظامیہ کو الرٹ کیا جائے کہ وہ پرائس کنڑول کمیٹیوں کی فراہم کردی قیمتوں پر شہریوں کو اشیا کی فروخت یقینی بنائیں۔

وزیراعظم نے یہ بھی کہا کہ جو دکاندار، تاجر، زخیرہ اندوز مصنوعی گرانی پیدا کریں ان سے قانون کے مطابق نمٹا جائے اورخصوصی بچت بازاروں میں بھی پرائس لسٹ پرعمل کرنا یقینی بنایاجائے۔

وزیراعظم عمران خان نے مزید کہا کہ مصنوعی مہنگائی کی روک تھام کےلئے تمام صوبائی، ضلعی اور پرائس کنٹرول کمیٹیوں کے میکنزم کو فعال بنایا جائے۔

واضح رہے اس سے قبل وزیر اعظم عمران خان نے ملک میں بڑھتی ہوئی مہنگائی اور اشیائے خورونوش کی قیمتوں میں غیرمعمولی اضافےکا نوٹس لیتے ہوئے مصنوعی مہنگائی کے خلاف کارروائی کا حکم دیا تھا اور ساتھ ہی قیمتوں میں غیرمعمولی اضافے کے خلاف خصوصی مہم کی ہدایت کی تھی۔