درآمدات پردرآمدکنندگان کی آسانی کیلئےتبدیلیاں کی گئی ہیں،شبرزیدی

ثمرا مظہر

16th Nov, 2019. 03:18 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

درآمدات پردرآمدکنندگان کی آسانی کیلئےتبدیلیاں کی گئی ہیں،شبرزیدی

فیڈرل بورڈ آف ریونیو (ایف بی آر) کےچیئرمین شبرزیدی نےکہاہےکہ انڈرانوائسنگ کوروکنے اور درآمد کنندگان کی آسانی کے لیےدرآمدات پر تبدیلیاں کی گئی ہیں۔

سماجی رابطے کی ویب سائٹ ٹویٹر پر ٹویٹ کرتے ہوئے ایف بی آرکے چیئرمین شبر زیدی نے کہا کہ درآمدات پر درآمد کنندگان کی آسانی کے لیے تبدیلیاں کی گئی ہیں۔

https://twitter.com/ShabarZaidi/status/1195602143643873280

ان کاکہنا ہےکہ تبدیلیاں یونٹ آف میرمنٹ سسٹم اورویلیو ایشن یونٹ میں کی گئی ہیں، درآمد کنندگان اس بارے میں مزید تجاویز دیں۔

چیئرمین ایف بی آرنےکہاہےکہ یہ عمل انڈرانوائسنگ کوروکنے کے لیے ضروری ہے۔اس سے قبل ایک موقع پر شبر زیدی کا کہنا تھا کہ پہلی سہ ماہی کے بڑے ٹیکس ہدف کا 90 فیصد حاصل کرلیا ہے، 960 ارب روپے محصولات میں 15 ارب کے ٹیکس ری فنڈ شامل نہیں ہیں، مقامی ٹیکس محصولات میں 25 فیصد اضافہ دیکھا گیا۔

شبرزیدی نے مزید کہا تھا کہ حوصلہ شکنی کے اقدامات سے درآمدات کی مالیت 3 ارب ڈالر کم رہی ہے، تین ارب ڈالر کم درآمدات سے 125 ارب روپے کا ٹیکس نہیں ملا ہے۔ کم درآمدات کے سبب ٹیکس کا ہدف حاصل ہوا۔