اوگرانےایک بارپھرگھریلو صارفین کے لئےگیس 214 فیصدمہنگی کر نےکافیصلہ جاری کردیاہے۔

تفصیلات  کے مطابق آئل اینڈ گیس ریگولیٹری اتھارٹی نے گھریلو صارفین کیلئے گیس 214 فیصد تک مہنگی کرنے کا فیصلہ جاری کردیا ہے جس کا اطلاق یکم جنوری سے ہوگا۔

اوگرا نے گیس کی قیمتوں میں اضافے کا فیصلہ جاری کرتے ہوئے اسے وفاقی حکومت کو بھجوادیا ہے۔

اوگرا کی جانب سے جاری کیے گئے گیس کی قیمتوں میں ردبدل کے فیصلے کے مطابق 200سے 300 یونٹ تک استعمال کرنے والے صارفین کیلئے گیس کی قیمت میں کمی کر دی گئی ہے،جبکہ 300زائد یونٹ استعمال کرنے والے صارفین کیلئے گیس مہنگی کر دی گئی ہے۔

اوگراکےفیصلےکےتحت گھریلو صارفین کو گیس 214 ، تندور صارفین کے لئے 245 جب کہ کمرشل صارفین اور سی این جی سیکٹر کے لئے 31 فیصد جب کہ فرٹیلائزر سیکٹر کے لئے گیس 153 فیصد تک مہنگی ہوگی ۔

گھریلو صارفین کے لیے 50 یونٹ ماہانہ استعمال کرنے پر گیس کے نرخ 121 سے بڑھا کر 380 روپے فی ایم ایم بی ٹی یو، 100یونٹ والے صارفین کے لئے گیس کے نرخ 300 سے بڑھ 353 روپے فی ایم ایم بی ٹی یو ہوجائیں گے۔

اوگرا نے ماہانہ 200 یونٹ سے زائد استعمال کرنے والے صارفین کے لیے گیس سستی کرنے کا فیصلہ کیا ہے۔

ماہانہ 200 سے 300 یونٹ والوں کے لئے گیس 553 روپے سے کم کرکے 530 روپے، 300 یونٹ والے صارفین کے لیے گیس 738روپے سے کم کرکے 706 روپے فی ایم ایم بی ٹی یو ہوگی۔

دوسری جانب ماہانہ 400 یونٹ والے صارفین کے لئے گیس1107 روپے سے بڑھا کر 1273روپے فی ایم ایم بی ٹی یو ہوگی۔

حکام کاکہناہےکہ قیمتوں میں اضافےکااطلاق یکم جنوری 2020سے 30جون 2020 تک دی گئی ہے۔