پاکستان کےسابق صدرجنرل  پرویزمشرف  کوسزائے موت کی سزا کےفیصلےکااثر پاکستان اسٹاک  مارکیٹ پربھی دیکھا گیا۔

تفصیلات  کے مطابق خصوصی عدالت کی جانب سےسابق صدر جنرل پرویز مشرف کو سزائے موت دینےکےفیصلے کااثرپاکستان اسٹاک مارکیٹ پربھی پڑاہے۔

سابق صدر کے خلاف فیصلہ سنائے جانے کے بعد اسٹاک مارکیٹ 100 انڈیکس میں 459 پوائنٹس کی کمی دیکھی گئی ہے۔

منگل کے روز مارکیٹ میں کاروبار آغاز 41 ہزار 644 پر ہوا اور ابتدائی ایک گھنٹے کے دوران 100 انڈیکس میں 266 پوائنٹس کا اضافہ دیکھا گیا تھا۔

تاہم سابق  صدرکےخلاف  فیصلےکےبعد اسٹاک مارکیٹ میں اک دم بریک لگ گئی ۔اورکاروبارکےاختتام پر 100 انڈیکس 123.78 پوائنٹس بڑھ گیا۔

اسٹاک مارکیٹ کاپہلےروز مثبت آغاز

معاشی ماہرین کا کہنا ہے کہ پاکستان سٹاک مارکیٹ میں کاروبار کے دوران زبردست ریکارڈ کی گئی تھی تاہم دوپہر کے وقت عدالتی فیصلے کے بعد انویسٹرز کی طرف سے ٹریڈنگ میں ہاتھ روک لیا گیا اور زبردست تیزی میں جانے والی مارکیٹ میں کاروبار کے اختتام پر معمولی تیزی دیکھی گئی۔

واضح  رہے کہ  کاروباری ہفتے کے پہلے روز پیر کو پاکستان اسٹاک مارکیٹ میں آغاز سے ہی زبردست تیزی رہی۔ اسٹاک مارکیٹ میں کاروبار کا آغاز میں 40 ہزار 916 پوائنٹس پر ہوا اور ابتدائی ایک گھنٹے کے دوران ہی کے ایس ای 100 انڈیکس 295 پوائنٹس اضافے کے ساتھ 41 ہزار 211 پوائنٹس پر ٹریڈ کرتا نظر آیا۔