سونا آج سے پہلے اتنا مہنگا پہلے کبھی نہیں ہوا، ملک بھرمیں فی تولہ سونے کی قیمت میں 1350 روپے ہوشربا اضافہ ہوگیا ہے۔

تفصیلات کے مطابق چئیرمین جیولرز ایسوسی ایشن محمد ارشد نے اپنے ایک بیان میں کہا کہ پاکستان میں سونے کی قیمت میں ریکارڈ اضافہ کے بعد فی تولہ سونا 1350 روپے مہنگا ہوکر 89 ہزار 650 روپے کا ہوگیا جبکہ دس گرام سونا 1157 روپے مہنگا ھوکر 76 ہزار 860 روپے کا ہوگیا ہے ۔

 چئیرمین جیولرزایسوسی ایشن محمد ارشد نے مزید کہا کہ انٹرنیشنل مارکیٹ میں سونا 29 ڈالرز اضافے 1551 ڈالرز فی اونس کی سطح پر پہنچ گیا ہے۔

فی تولہ سونے کی قیمت میں 500 روپے اضافہ

واضح رہے اس سے قبل بھی سونے کی قیمتوں میں اضا فے کے بعد ایک بار پھرحیرت انگیز کمی کے بعد ملک بھرمیں فی تولہ سونے کی قیمت میں 200 روپے کمی ہوگئی تھی۔

چئیرمین جیولرز ایسوسی ایشن محمد ارشد نے اپنے ایک بیان میں کہا  تھا کہ پاکستان میں سونے کی فی تولہ قیمت میں 200 روپے کی کمی کے بعد  84300 روپے ہوگئی جبکہ 10گرام سونے کی قیمت 171 روپے کی کمی کے بعد 72273 روپے ہوگئی تھی۔

   چئیرمین جیولرز ایسوسی ایشن محمد ارشد نے مزید کہا  تھا کہ عالمی مارکیٹ میں سونا 04ڈالر اضافہ کے بعد  1467 ڈالر فی اونس کی سطح پر پہنچ گیا تھا  جبکہ مقامی  مارکیٹ میں چاندی کی قیمت  1010 روپے فی تولہ پر مستحکم رہی تھی۔

دوسری جانب ذرائع کا یہ بھی کہنا تھا کہ سونے کے ساتھ انٹر بینک میں ڈالر کی قدر میں 1 پیسے کی کمی ہو گئی تھی، اوپن مارکیٹ میں ڈالر 10 پیسے سستا ہوگیا جبکہ اوپن مارکیٹ میں ڈالر 155.60 سے کم ہوکر 155.50 روپے کا ہوگیا تھا۔

  علاوہ ازیں ذرائع کا مزید کہنا تھا کہ انٹر بینک میں ڈالر 6 پیسے سستا جبکہ اوپن مارکیٹ میں امریکی کرنسی کی قدر 20 پیسے بڑھ گئی تھی جبکہ کہ2019 کے آغاز میں بھی ڈالر کی قیمت میں روپے کے مقابلے میں پیش رفت جاری رہی تھی۔