حکومت نےآئندہ 6 ماہ میں مزید 19 کھرب روپےسے زائد کا قرض لینے کی تیاریاں کرلی ہیں۔
وزارت خزانہ کی جانب سےکہاگیاہےکہ موجودہ حکومت رواں سال جولائی تک 1900 ارب روپےکامزید قرضہ لے گی۔
تفصیلات کے مطابق وزارت خزانہ کی جانب سے قومی اسمبلی میں پیش کردہ دستاویزات میں اس بارے میں تفصیلات پیش کی گئیں کہ حکومت کو 2023ء تک کتنا اندرونی و بیرونی قرضہ واپس کرنا ہے ؟
جس پروزارت خزانہ نے کہا کہ حکومت کو 2023ء تک 2 اعشاریہ 28 ارب ڈالر کا بیرونی قرض واپس کرنا ہے۔
Advertisement
وزارت خزانہ کے مطابق حکومت کو سال 2023ء تک 12261 ارب روپے اندرونی قرض واپس کرنا ہے جبکہ وفاقی حکومت کے ذمے صوبائی حکومتوں کا کوئی قرض نہیں ہے۔
قومی اسمبلی میں پیش کی گئی دستاویزمیں انکشاف کیا گیا ہے کہ موجودہ حکومت رواں سال جولائی تک 1900 ارب روپے کا مزید قرضہ لے گی۔
وزارت خزانہ کے مطابق حکومت اندرونی طور پر 800 ارب روپے کا قرضہ لینے کا ارادہ رکھتی ہے جبکہ بیرونی طور پر 1100 ارب روپے کا قرضہ لینے کا ارادہ رکھتی ہے۔
دستاویزکے مطابق حکومت اپنی آئینی مدت میں 12261 ارب روپے ملکی قرضہ واپس کرنے کا ارادہ رکھتی ہے جبکہ حکومت اپنی آئینی مدت میں 2 اعشاریہ 28 ارب ڈالر بیرونی قرضہ واپس کرنے کا ارادہ رکھتی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
