مشیر تجارت عبدالرزاق داؤد نے کہا ہے کہ جولائی 2019ء سے جنوری 2020ء کے دوران ملکی برآمدات میں دو فیصد اضافہ ہواہے۔
تفصیلا ت کے مطابق سینیٹ میں مشیرتجارت عبدالرزاق داؤد نے کہا کہ ٹیکسٹائلز کے شعبے کی برآمدات میں 25 فیصد، مرغی اور گوشت پچاس فیصد اور ماہی گیری میں اٹھائیس فیصد اضافہ ریکارڈ کیا۔
عبدالرزاق داؤد نے کہا کہ انفارمیشن ٹیکنالوجی، کیمیکل اور انجینئرنگ مصنوعات کی برآمد میں اضافے پر بھی خصوصی توجہ دی جا رہی ہے۔
مشیر تجارت نے یہ بھی کہا کہ برآمدات پر مبنی شعبوں کیلئے گیس اور بجلی کے نرخوں کا تعین کیا گیا ہے۔
اس سال بارہ لاکھ افراد بیروزگار ہوجائیں گے، ڈاکٹر حفیظ پاشا
Advertisement
مشیر تجارت عبدالرزاق داؤد نے مزید کہا کہ وزارت تجارت سٹریٹجک تجارتی پالیسی لائحہ عمل 2020-2025ء کو حتمی شکل دینے پر کام کر رہی ہے جس کا مقصد جامعیت کی راہ میں حائل استعداد کار اور پیداوار کے مسائل کا حل ہے جن سے چھوٹے کاروبار کو نقصان ہو رہا ہے۔
دوسری جانب وزیر خزانہ ڈاکٹر حفیظ پاشا نے اپنے ایک بیان میں کہا کہ پچھلے سال دس لاکھ افراد بیروزگار ہوئے اور حکومت نے اسٹیٹ بینک سے تین ہزار ارب قرضہ لیا جبکہ اس سال بارہ لاکھ افراد کے بیروزگار ہونے کا خدشہ ہے یعنی دو سال میں بائیس لاکھ افراد بیروزگار ہوجائیں گے
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
