وفاقی حکومت کی جانب سے وفاقی وزیر برائے منصوبہ بندی اسد عمر نے اسلام آباد میں موبائل یوٹیلیٹی اسٹور سرویس کا افتتاح کر دیا۔

افتتاحی تقریب کے موقع پر بات کرتے ہوئے اسد عمر کا کہنا تھا کہ ابتدائی طور پہ اسلام آباد کے دیہی علاقوں میں موبائل اسٹورز کے ذریعے اشیاء خورو نوش فراہم کی جائیں گی جبکہ اسلام آباد کے ديهی علاقوں کے لئے 08 موبائل اسٹورز مختص کیے گئے ہیں۔

انہوں نے کہا کہ اس اقدام کا فیصلہ وزیرِ اعظم کے خصوصی ریلیف پیکج برائے کورونا کے تحت کیا گیا ہے، اگلے 2 ہفتوں تک ان موبائل یوٹیلیٹی اسٹورز کا دائرہ کار ملک بھر تک پھیلایا جائے گا۔

اس موقع پر ان کا کہنا تھا کہ اس اقدام کا دائرہ کار ملک بھر تک محیط ہو گا اور اس اقدام کے تحت اشیاء ضروریہ سستے داموں فراہم کی جائیں۔

انہوں نے بتایا کہ حکومت اشیاء ضروریہ کی فراہم متاثر ہونے نہیں دے گی اور آٹا، چینی، دالیں اور گھی سستے نرخوں پر گلی گلی فراہم کی جائیں گی۔

شیری رحمان بھی کورونا تشخیصی ٹیسٹ کٹ کی عدم فراہمی پر بول پڑیں

ان کا کہنا یہ تھا کہ عوام کورونا کے خلاف حفاظتی تدابیر پر عمل کرتے ہوئے گھروں تک محدود رہیں کیونکہ عوام کی سہولت کے لئے 50 ارب کا پیکج منظور کیا گیا ہے اور لوگوں کے گھروں تک راشن وزیر اعظم کی ہدایت پر پہنچائیں گے۔

اسد عمر کا کہنا تھا کہ اسلام آباد کی انتظامیہ اورملک بھر کی ضلعی انتظامیہ گراں قدر خدمات انجام دے رہی ہے۔

انہؤن نے بتایا کہ بلوچستان کے دور دراز کے اضلاع میں ہفتے میں دو دفعہ ایران سے ضروری آنے کی اجازت ہو گی اور اس سلسلے میں ضروری حفاظتی تدابیر کا خیال رکھا جائے گا۔

انہوں نے بتایا کہ بندشوں اور لاک ڈاؤن میں کمی کا فیصلہ صوبوں اور وزیر اعظم سے مشاورت کے بعد کیا جائے گا۔

دوسری جانب ایم ڈی یوٹیلیٹی اسٹورز کا کہنا تھا کہ پورے ملک میں چار ہزار یوٹیلٹی سٹورز ہیں، یوٹیلیٹی اسٹورز کی عوام تک رسائی کو بڑھانے کیلئے یہ اقدام کیا گیا ہے۔

انہوں نے کہا کہ راشن کی تقسیم سے متعلق مساجد اور اعلانات کے ذریعے عوام کو پیغامات پہنچائے جائیں گے۔