یوٹیلیٹی اسٹورز کارپوریشن انتظامیہ کی جانب سے ملازمین کے لئے مراعات کا اعلان کردیا گیا ہے۔
تفصیلات کے مطابق یوٹیلیٹی اسٹورز کارپوریشن کی انتظامیہ اور ورکرز یونین کے درمیان مذاکرات کامیاب ہوگئے ہیں جس کے بعد یوٹیلیٹی اسٹورز کارپوریشن انتظامیہ کی جانب سے ملازمین کے لئے مراعات کا اعلان کردیا گیا ہے۔
یوٹیلٹی اسٹورز کارپوریشن کے ترجمان کا کہنا ہے کہ یوٹیلٹی اسٹورز کھلنا شروع ہوگئے ہیں۔
ترجمان کے مطابق یوٹیلٹی اسٹورز کے ڈیلی ویجر ملازمین کی کم سے کم تنخواہ 15000سے بڑھا کر 17500 کر دی گئی ہے۔
تمام ملازمین کے لئے سالانہ انکریمنٹ دسمبر2019کی منظوری دے دی گئی ہے اور بجٹ 2019 کے مطابق تنخواہوں میں 10فیصد اضافے کیا جائے گا۔
رمضان ریلیف پیکج کے لئے ایک ماہ کی اضافی تنخواہ بطور اعزازیہ بھی ملے گی، شہید ہونے والے ورکر کے لئے شہداء پیکج کی بھی منظوری دیدی گئی ہے جبکہ شہید ہونے والے کے گھر والوں کو ان کی تنخواہ اور دیگر مراعات دی جائیں گی۔
ترجمان یوٹیلٹی اسٹورز نے ایک بیان میں کہا ہے کہ ورکرز یونین سے کامیاب مذاکرات کے بعد ملک بھر کے تمام یوٹیلیٹی اسٹورز کھلنا شروع ہوگئے ہیں۔
اس سے قبل آل پاکستان یوٹیلیٹی اسٹور ورکرز یونین نے ہڑتال کردی تھی جس کے سبب ملک بھر میں یوٹیلیٹی اسٹورز بند ہوگئے تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News