حکومت نے استعمال شدہ موبائل فونز کی درآمد پر پابندی عائد کرنےکا فیصلہ کرلیا ہے۔
تفصیلات کے مطابق وزارت آئی ٹی کی جانب سے اسمارٹ فونز تیار کرنے کی سمری آج اقتصادی رابطہ کمیٹی (ای سی سی ) اجلاس میں پیش کی گئی۔
اجلاس میں استعمال شدہ موبائل فونز کی درآمد پر پابندی عائد کرنےکا فیصلہ کرلیا گیا ہے ۔اب صارفین کومقامی سطح پر تیار کردہ سستے اسمارٹ فون دستیاب ہوں گے۔
ملک میں مقامی سطح پر اسمارٹ فونز تیار کرنے کے لیے انڈسٹری کو مراعاتی پیکج دینے کا فیصلہ کیا گیا ہے۔ مقامی سطح پر تیار کیے گئے موبائل فونز کی مقامی فروخت پر چار فیصد ودہولڈنگ ٹیکس معاف ہوگا۔
مقامی موبائل کی برآمدپر برآمدکنندگان کو دس فیصد برآمدی مراعات دینے کا فیصلہ کیا گیا ہے ۔مقامی صنعت کے تحفظ کے لیے موبائل فونز کی درآمد پر ٹیکسز لگانے کی بھی تجویز پیش کی گئی ہے۔
200 ڈالر مالیت کے موبائل فون پر 5 ہزار 440 روپے ،350 ڈالر مالیت کے موبائل فون پر7 ہزار 140 روپے ،500 ڈالر مالیت کے فون پر20 ہزار 650 روپے جبکہ 500 ڈالر سے زائد مالیت کے فون پر 36 ہزار720 روپے ٹٰیکس لگانے کی تجویز دی گئی ہے۔
واضح رہے کہ پاکستان نے 2019 میں 28 ملین موبائل فون درآمد کیے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News