پاکستان کو بیرونی قرضوں کی بروقت ادائیگی میں بڑا ریلیف مل گیا ہے جس میں آئی ایم ایف، جی20 ممالک سمیت سعودی عرب اور چین بھی شامل ہوگئے ہیں ۔
تفصیلات کے مطابق پیرس کلب کے بعد سعودی عرب اور چین نے بھی یکم مئی سے 31 دسمبر تک پاکستان کے قرضوں کی ادائیگیاں مؤخرکرنے کی یقین دہانی کرادی گئی ہے۔
پاکستان کو جی 20 ممالک سے بھی ریلیف مل گیا
اس ریلیف کے اعلان کے بعد پاکستان کو مجموعی طور پرایک ارب 80 کروڑ ڈالر کا ریلیف ملے گا، ذرائع وزارت خزانہ کا کہنا ہے کہ اس سلسلے میں باقاعدہ اعلان آئندہ ہفتے ہوگا۔
دوسری جانب متحدہ عرب امارات سے بھی قرض کی ادائیگیاں موخر کرنے کیلئے بات چیت جاری ہے ۔
یاد رہے کہ آئی ایم ایف پاکستان کو قرضوں میں ایک سال کا ریلیف دے چکا ہے، جی 20 ممالک نے بھی قرض منجمد کرنے پر رضا مندی ظاہر کی ہے اور اب سعودی عرب اور چین بھی پاکستان کو قرضوں میں ریلیف دینے کے لئے رضامند ہوگئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News