کراچی کے معروف تاجر رہنما عقیل کریم ڈیڈھی نے ایک بڑا فیصلہ کرتے ہوئے پاکستان اسٹاک ایکسچینج پر حملہ ناکام بنانے والے سیکورٹی اہلکاروں کے لئے نقد انعام دینے کا اعلان کردیا ہے۔

معروف تاجر کا کہنا ہے کہ حملہ ناکام بنانے والے شہداء کو 25 لاکھ فی کس دیں گے جبکہ حملے کے نتیجے میں زخمی ہونے والوں کی بھی مالی مدد کی جائے گی۔

انہوں نے واضح کیا ہے کہ اسٹاک ایکسچینج کے سیکورٹی اہلکار اور سندھ پولیس کے جوانوں کو انعامات بھی دیئے جائیں گے۔

عقیل کریم کا کہنا تھا کہ مایوس ہونے کی ضرورت نہیں ہم شہداء اور زخمیوں کے ساتھ کھڑے ہیں اور آئندہ 48 گھنٹوں میں متاثرین کو نقد رقم مل جائیں گی۔

اعلان کرتے ہوئے ان کا کہنا تھا کہ اسٹاک ایکسچینج کے بروکرز اور مینجمنٹ رقم کا انتظام اپنی مدد آپ کے تحت کرے گا۔

تاجر عقیل کریم کا کہنا تھا کہ رینجرز، پولیس اور اسٹاک ایکسچینج کی سیکورٹی ٹیم کو خراج تحسین پیش کرتا ہوں۔

دوسری جانب تاجر نے کہا ہے کہ اسٹاک ایکسچینج سیکورٹی ٹیم سے نکالے گئے ملازمین کو بحال کریں گے جبکہ اسٹاک ایکسچینج سکیورٹی اہکلاروں کی تنخواہ کم از کم 35 ہزار روپے کرنے کا عندیہ بھی دے دیا گیا ہے۔

یاد رہے کہ صدر مملکت عارف علوی نے بھی شہداء اور زخمیوں کا خیال رکھنے کی ہدایت کی ہے۔