پٹرول پمپس پر پٹرول کی عدم دستیابی پر جسٹس قیصر رشید کا نوٹس لے لیا۔

تفصیلات کے مطابق پٹرول پمپس پر پٹرول کی عدم دستیابی پر عدالت نے پٹرول مصنوعی بحران پیدا کرنے والوں کے خلاف کارروائی کا حکم دے دیا۔

 جسٹس قیصر رشید نے کہا کہ جن پٹرول پمپس پر پٹرول دستیاب ہے اور لوگوں کو نہیں مل رہا اس کو سیل کرے۔

 جسٹس قیصر رشید نے ڈپٹی کمشنر سے استفسار کیا کہ آٹا بحران کیو پیدا ہوا ہے، پنجاب بھی اس ملک کا حصہ ہے گندم کی پیداوار اچھی ہوئی ہے اس مسلے کو حل کرے۔

جسٹس قیصر رشید نے مزید کہا کہ ابھی گندم کٹائی سیزن گزرا ہے چاہئے تھا ریٹ کم ہوتا لیکن مزید مہنگا کردیا ، آٹا بحران پر وزیراعلی اور متعلقہ وزیر سے بات کرے اور اس کا کوئی حل نکالے۔

دوسری جانب ملک بھر میں پیٹرول کی قلت برقرار ہے، شہری چوتھے روز بھی پیٹرول کے حصول کیلئے خوار ہوتے رہے۔

ملک بھر میں پٹرول کی قلت برقرار

اوگرا نے ملک بھر میں پیٹرول اور ڈیزل کی قلت کا نوٹس لیتے ہوئے چاروں صوبوں، گلگت بلتستان اور آزاد کشمیر کے چیف سیکر ٹریز کو خطوط لکھ دیے۔

اوگرا کی جانب سے متعلقہ ڈپٹی کمشنرز کے ذریعے پیٹرولیم مصنوعات کی ذخیرہ اندوزی کرنے والے پیٹرول پمپس کےخلاف قانونی کارروائی کی درخواست کی گئی ہے۔

خیال رہے کہ پیٹرول پمپس پر پیٹرول کے حصول کیلئے عوام کی لمبی لائنیں لگ گئیں، آئل اینڈ گیس ریگولیٹری اتھارٹی (اوگر) کے ایکشن کے باوجود پیٹرول پمپوں پر سپلائی بحال نہ ہو سکی ۔