انجمن تاجران نے حکومت کو 31 جولائی کی ڈیڈ لائن دے دی

عقیل احمد

18th Jul, 2020. 08:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انجمن تاجران نے حکومت کو 31 جولائی کی ڈیڈ لائن دے دی

انجمن تاجران نے حکومت کو تمام کاروبار کھولنے کے لیے 31 جولائی کی ڈیڈ لائن دے دی۔

انجمن تاجران کےمرکزی سیکرٹری نعیم میر کا تاجر برادری کے احتجاجی دھرنے سے خطاب کرتے ہوئے کہنا تھا کہ موجودہ حکومت نااہل، نکمی اور تاجر دشمن ہے، آج ہارن بجا کر علامتی احتجاج ریکارڈ کرایا ہے۔

نعیم میر کا کہنا تھا کہ حکومت کو 31 جولائی کی ڈیڈ لائن دے رہے ہیں،31جولائی تک تمام کاروبار نہ کھولے گئے تو ملک بھر میں شٹر ڈاؤن ہڑتال کریں گے۔

انہوں نے مزید کہا کہ شہریوں کو بنیادی ضروریات کی فراہمی ریاست کی ذمہ داری ہے لیکن موجودہ حکومت نے اپنی نا اہلی سے معیشت کو تباہ کر دیا ہے،آج لاکھوں لوگ بےروزگار ہو چکے ہیں۔

نعیم میر کا کہنا تھا کہ تاجروں نے اسلام آباد آنے کا اعلان کیا تو عمران خان لاہور بھاگ گئے۔عمران خان بزدار کو بچانے میں لگے ہیں اور پورا ملک تباہ ہورہا ہے۔

انہوں نے کہا کہ عمران خان جس شعبے پر نوٹس لیتے ہیں وہاں بحران پیدا ہو جاتا ہے۔ دو سال میں آٹے، چینی اور پٹرول کا بحران دیا۔عمران خان کو آج سے بحران خان کہہ کر پکاریں گے۔

نعیم میر نے کہا کہ اس حکومت کو صحرا میں چھوڑدیں تو یہ ریت کا بحران پیدا کر دیں گے۔ آج یقین ہوگیا کہ وزیر اعظم ہاؤس میں زندہ لاش رہتی ہے جس کو عوام کے دکھ درد کا کوئی احساس نہیں ہے۔