صدر مملکت ڈاکٹر عارف علوی نے کہا ہے کہ پاکستان میں معاشی سرگرمیوں میں خواتین کی حوصلہ افزائی ضروری ہے۔
تفصیلات کے مطابق صدر ڈاکٹر عارف علوی کی جانب سے گلوبل اسلامک فنانس ایوارڈز کی تقریب سے خطاب کیا گیا جس میں ان کا کہنا تھا کہ پاکستان سمیت دنیا بھر میں اسلامی بینکاری اور مالیاتی نظام کو وسعت مل رہی ہے۔
صدر مملکت کا کہنا تھا کہ پاکستان میں اسلامی بینکاری نظام کے فروغ کیلئے سنجیدہ کوششیں ہو رہی ہیں جبکہ 17 فیصد بینکاری اسلامی قوانین کے مطابق ہو رہی ہے۔
ڈاکٹر عارف علوی نے کہا ہے کہ اسلامی مالیاتی نظام کا بنیادی مقصد غریب لوگوں کو غربت سے نکالنا ہونا چاہیئے۔
ان کا کہنا تھا کہ کورونا صورتحال میں بینکاری کے نظام پر بھی دباؤ آیا لیکن پھر بھی اسٹیٹ بینک اسلامی بینکاری کو ترقی دینے کیلئے کوشاں ہے۔
Advertisement
خیال رہے کہ پاکستان کو اسلامی مالیاتی نظام کے فروغ کی کوششوں کے اعتراف میں گلوبل اسلامک لیڈر شپ ایوارڈ سے نوازا گیا ہے جبکہ یہ ایوارڈ صدر مملکت عارف علوی نے آج اسلام آباد میں دسویں گلوبل اسلامک فنانس ایوارڈز کی تقریب میں وصول کیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
