یوٹیلیٹی اسٹورز کارپوریشن کو وزیراعظم پیکچ کے تحت شوگر ملز سے چینی کی خریداری میں مشکلات برقرار ہیں۔
ذرائع کے مطابق یوٹیلیٹی اسٹورز کارپوریشن نے 35 ہزار میٹرک ٹن چینی کا ٹینڈر کھول دیا ۔ یوٹیلیٹی اسٹورز کو درآمدی چینی کے مقابلے 15 روپے کلو مہنگی پیشکش موصول ہوئی۔
ذرائع کا کہنا ہے کہ یوٹیلیٹی اسٹور کو فی کلو 91 روپے کے حساب سے بولی موصول ہوئی ۔ ایک شوگر مل سے 4 ہزار ٹن چینی کی پیشکش موصول ہوئی ۔ فی کلو 6 روپے اخراجات کے بعد چینی 97 روپے میں پڑے گی ۔
ذرائع کا مزید کہنا ہے کہ آخری ٹینڈر میں یوٹیلیٹی اسٹورز کو چینی 94 روپے فی کلو میں پڑی تھی ۔ درآمدی چینی یوٹیلیٹی اسٹورز کو 82 روپے فی کلو میں پڑ رہی ہے ۔
ذرائع کا کہنا ہے کہ یوٹیلٹی اسٹورز نے 2 ماہ میں 35 ہزار ٹن کے 4 الگ الگ ٹینڈر جاری کیے جس میں چینی کے دو ٹینڈر منسوخ کیے ۔ ایک ٹینڈر میں صرف 4 ہزار ٹن چینی کی خریداری میں کامیابی ملی ، اب 35 ہزار ٹن چینی کا چوتھا ٹینڈر کھولا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News