خسارے میں چلنے والی پی آئی اے کی نجکاری کا عمل تیز
فیڈرل بورڈ آر ریونیو نے فیڈریل ایکسائز ڈیوٹی کی عدم ادائیگی پر پی آئی اے کے اکاؤنٹس منجمد کردیئے۔
مسلسل مالی خسارے کا شکار قومی ایئر لائن (پی آئی اے) کی مشکلات میں اضافہ ہوگیا ہے۔
فیڈرل بورڈ آر ریونیو نے ٹیکس پر فیڈریل ایکسائز ڈیوٹی ادا نہ کرنے پر پی آئی اے کے بینکس اکاؤنٹ منجمد کردیئے ہیں۔
مزید پڑھیے: یورپی یونین کا پی آئی اے پر پابندی ہٹانے سے انکار
ایف بی آر ذرائع کا کہنا ہے کہ پی آئی اے نے پچھلے 2 سال سے ٹکٹ پر وصول کی جانے والی فیڈرل ایکسائز ڈیوٹی جمع نہیں کرائی۔
Advertisement
ذرائع کا کہنا ہے کہ پی آئی اے کے ذمے فیڈریل ایکسائز ڈیوٹی کی مد میں 4 ارب 50 کروڑ روپے واجب الادا تھے۔
ایف بی آر نے عدم ادائیگی پر پی آئی اے کے ملک بھر کے سرکاری و نجی بینکوں میں 50 بینک اکاؤنٹس منجمد کردیئے۔
مزید پڑھیے: پی آئی اے کا ایک اور فضائی میزبان کینیڈا میں لاپتہ
ذرائع کا مزید کہنا ہے کہ اکاؤنٹس منجمد کئے جانے کے بعد پی آئی اے نے 46 کروڑ 50 لاکھ روپے ادا کردیئے ہیں۔ 4 ارب روپے کی وصولی کے بعد ہی پی آئی اے کے اکاؤنٹس فعال کئے جائیں گے۔
واضح رہے کہ پی آئی اے کئی برسوں سے مسلسل خسارے میں ہے، بینک اکاؤنٹس منجمد کئے جانے کے بعد قومی ایئر لائن کے ملازمین کی تنخواہوں کی ادائیگی بھی مشکل ہوسکتی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
