رواں مالی سال کی پہلی ششماہی کے دوران پاکستان نے امریکا کو 3 ارب 32 کروڑ ڈالر سے زائد مالیت کی اشیا برآمد کی ہیں جو کہ گزشتہ مالی سال کے مقابلے میں 45 فیصد زائد ہے۔

اسٹیٹ بینک کے مطابق گزشتہ مالی سال کی پہلی ششماہی میں امریکا کو بھجوائی گئی اشیا کی مالیت کا حجم 2 ارب 27 کروڑ ڈالر سے زائد رہا تھا۔

رواں مالی سال کی پہلی ششماہی کے دوران پاکستان نے امریکا کو 3 ارب 32 کروڑ ڈالر سے زائد مالیت کی اشیا برآمد کیں۔ اس طرح گزشتہ مالی سال کی پہلی ششماہی کے مقابلے میں رواں سال برآمدات کا حجم 45 فیصد زیادہ رہا۔

مزید پڑھیے: چین کو برآمدات ملکی تاریخ کی بلند ترین سطح پر پہنچ گئی

رواں مالی سال دسمبر کے مہینے میں امریکا کو 64 کروڑ ڈالر سے زائد مالیت کی اشیا برآمد کی گئیں جب کہ گزشتہ مالی سال اسی مہینے میں 42 کروڑ ڈالر کی برآمدات ہوئی تھیں، اس طرح دسمبر میں امریکا کو برآمدات کا حجم گزشتہ سال کے اسی مہینے کے مقابلے میں 52 فیصد زائد رہا۔

مرکزی بینک کے مطابق دسمبر 2021 میں امریکا کو برآمدات کا حجم نومبر کے مقابلے میں ساڑھے 9 فیصد زائد رہا ہے۔

مزید پڑھیے: سیمینٹ کی برآمدات میں کمی

واضح رہے کہ رواں مالی سال کے پہلے 6 ماہ میں پاکستان کو برآمدات کے ذریعے 15 ارب 23 کروڑ ڈالر سے زائد کا زرمبادلہ حاصل ہوا جو کہ گزشتہ مالی سال کے اسی دورانیے کے مقابلے میں 29 فیصد زیادہ ہے۔