وفاقی وزیر توانائی حماداظہر کا کہنا ہے کہ  سوئی سدرن  گیس کمپنی ( ایس ایس جی سی) نے  بیشتر انڈسٹری  کے لیے گیس ٹیرف 2019 سے برقرار رکھا ہے۔

سماجی رابطے کی ویب سائٹ ٹوئیٹر پر جاری اپنے بیان میں حماد اظہر نے کہا کہ  ملکی گیس فیلڈز میں 9 فیصد کمی کے باوجود سوئی سدرن کی طرف سے انڈسٹری کو پچھلے سال کی نسبت صرف 3.54 فیصد کمی  آئی ہے۔

انہوں نے مزید کہا کہ  اس کے علاوہ دنیا بھر میں گیس کے ٹیرف میں اضافے کے باوجود سوئی سدرن کی بیشتر انڈسٹری کو اس اضافے سے 2019سے ابھی تک محفوظ رکھا ہوا ہے۔

Despite 9% depletion in our supply from gas fields, the flow of gas to Industry from SSGC saw a reduction of only 3.54% in Nov-Dec 21 compared to preceding year.
Also, tariffs have multiplied globally yet most industry in SSGC have been insulated from any price rise since 2019.

Advertisement

— Hammad Azhar (@Hammad_Azhar) February 1, 2022

واضح رہے کہ دوسری جانب بجلی کی قیمت میں مسلسل اضافے نے عوام کا جینا دوبھر کردیا ہے۔

آج نیشنل الیکٹرک پاور ریگولیٹری اتھارٹی (نیپرا) کی جانب سے بجلی کے نرخوں میں 3 روپے 12 پیسے فی یونٹ اضافے پر فیصلہ محفوظ کرلیا گیا ہے۔

چیئرمین نیپرا توصیف ایچ فاروقی کی زیرصدارت ایک عوامی سماعت کے بعد جاری بیان کہا گیا کہ فیصلہ سماعت کے دوران نیشنل پاور کنٹرول سینٹر (این پی سی سی) کے بیانات کے حوالے سے جائزہ لینے کے بعد جاری کیا جائے گا۔

اضافے کی صورت میں صارفین پر30 ارب سے زائد  کا اضافی بوجھ پڑے گا۔ بجلی کی قیمتوں  میں اضافے کی درخواست دسمبرکے ماہانہ فیول ایڈجسٹمنٹ کی مد میں دی گئی ہے۔