ٹیکس آمدن بڑھنے کے باوجود وفاق کے خسارے میں 459 ارب سے زائد کا اضافہ

ویب ڈیسک

09th Feb, 2022. 07:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹیکس آمدن بڑھنے کے باوجود وفاق کے خسارے میں 459 ارب سے زائد کا اضافہ

ٹیکس آمدن بڑھنے کے باوجود وفاق کے خسارے میں 459 ارب 53 کروڑ روپے کا اضافہ ہوا ہے۔

تفصیلات کے مطابق وزارت خزانہ نے موجودہ مالی سال کی پہلی ششماہی کے مالی آپریشن کی تفصیلات جاری کردی ہیں۔

جولائی تا دسمبر بجٹ خسارہ 1852 ارب 58 کروڑ روپے تک پہنچ گیا ہے جبکہ گزشتہ سال اسی مدت میں 1393 ارب روپے کا بجٹ خسارہ ہوا تھا۔

رپورٹ میں بتایا گیا ہے کہ ٹیکس ریونیو 2919 ارب 80 کروڑروپے جبکہ نان ٹیکس آمدن 715 ارب روپے رہی۔

چھ ماہ میں مجموعی اخراجات 3793 ارب 20 کروڑ روپے تک پہنچ گئے۔

وزارت خزانہ کی رپورٹ کے مطابق صوبائی حکومتوں کے کم اخراجات کے باعث مجموعی خسارے میں کمی واقع ہوئی ہے۔ صوبوں نے 480 ارب 76 کروڑ روپے کم خرچ کیے جبکہ بجٹ خسارہ 1371 ارب روپے پر آگیا۔

پنجاب 332 ارب روپے ، سندھ 93 ارب روپے، بلوچستان نے 86 ارب روپے کم خرچ کیے۔ خیبر پختوانخواہ حکومت کو 32 ارب روپے خسارے کا سامنا رہا۔