جولائی سے دسمبر تک سالانہ بنیادوں پر بڑی صنعتوں کی پیداوار میں 7.4 فیصد اضافہ ریکارڈ کیا گیا ہے۔
تفصیلات کے مطابق ادارہ شماریات نے بڑی صنعتوں کی پیداوار کے نئے اعداد وشمار جاری کر دیے ہیں۔
جولائی سے دسمبر تک سالانہ بنیادوں پر بڑی صنعتوں کی پیداوار میں 7.4 فیصد جبکہ صرف دسمبر میں سالانہ بنیادوں پر بڑی صنعتوں کی پیداوار میں 6.4 فیصد اضافہ ریکارڈ کیا گیا ہے۔
نومبر کی نسبت دسمبر میں بڑی صنعتوں کی پیداوار میں 10.5 فیصد اضافہ ریکارڈ کیا گیاہے۔
جولائی سے دسمبر سالانہ بنیادوں پر ٹیکسٹائل شعبے کی پیداوار 2.8 فیصد، فوڈ کے شعبے میں پیداوار 1.3 فیصد اور مشروبات کی پیداوار 4.3 فیصد رہی۔
ادارہ شماریات کے مطابق تمباکو کی پیداوار میں 50 فیصد سے زائد اور کیمیکل سیکٹر کی پیداوار میں 2.6 فیصد اضافہ ہوا ہے۔
جولائی سے دسمبر آٹو موبیل سیکٹر کی پیداوار 69 فیصد سے زائد، آئرن اور اسٹیل مصنوعات کی پیداوار 18.4 فیصد اور چمڑے کی مصنوعات کی پیداوار میں 6.8 فیصد اضافہ ہوا ہے۔
اسی عرصے میں پیپر اینڈ بورڈ کی پیداوار میں 8.3 فیصداضافہ ریکارڈ ہوا ہے۔
دوسری جانب جولائی سے دسمبر کے دوران فارماسوٹیکل سیکٹر کی پیداوار میں 4.9 فیصد اور الیکٹرانکس سیکٹر کی پیداوار 1.3 فیصد کمی ریکارڈ ہوئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News