روپے کے مقابلے امریکی ڈالر کی قدر میں ہفتے کے دوسرے روز بھی مسلسل چڑھاؤ جاری ہے اور ڈالر ملکی تاریخ کی بلند ترین سطح 221 روپے پر پہنچ گیا۔

دوسری جانب انٹر بینک مارکیٹ میں ڈالر 6 روپے 79 پیسے مہنگا ہوا جس کے بعد انٹر بینک میں ڈالر 215 روپے 20 پیسے سے بڑھ کر 221 روپے 99 پیسے پر بند ہوا ہے۔

Interbank closing #ExchangeRate for todayhttps://t.co/pjx8HeEs52 pic.twitter.com/yp6mrPuyaq

— SBP (@StateBank_Pak) July 19, 2022

انٹر بینک کی طرح اوپن مارکیٹ میں بھی ڈالر کی قدر 8 سے 9  روپے اضافے کے بعد  224 سے 225  روپے درمیان فروخت ہورہا  ہے۔

گزشتہ روز انٹر بینک مارکیٹ میں ڈالر 5 روپے 15 پیسے مہنگا ہو کر 215 روپے 20 پیسے کی بلند سطح پر بند ہوا تھا۔

واضح رہے کہ اس سے قبل جون میں امریکی ڈالر 211 روپے 48 پیسے کی سطح پر پہنچا تھا، جبکہ شہباز حکومت کے آنے کے بعد سے اب تک ڈالر 18 فیصد اضافے سے 37 روپے سے زائد  مہنگا ہوا ہے ۔

اسٹاک ماہرین اور فاریکس ڈیلزر کے مطابق پنجاب میں ضمنی انتخابات کے نتائج کے بعد ملک میں غیر یقینی صورتحال پیدا ہوگئی ہے جس کی وجہ سے سرمایہ کار مارکیٹ سے سرمایہ نکالنے کو ترجیح دے رہے ہیں جبکہ روپے کی قدر بھی مسلمل کم ہورہی ہے۔

چئیرمین فاریکس ایسوسی ایشن ملک بوستان نے کہا کہ ملک میں سیاسی حالات کو جواز بنا کر بینک ڈالر کی قیمت میں سٹہ بازی کررہے ہیں جس کا اسٹیٹ بینک کو نوٹس لینا چاہیے۔