پاکستان کو توانائی کے شعبے میں 155 ارب ڈالر سرمایہ کاری کی ضرورت ہے، اے ڈی بی

عمر حیات خان

24th Dec, 2022. 03:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کو توانائی کے شعبے میں 155 ارب ڈالر سرمایہ کاری کی ضرورت ہے، اے ڈی بی

ایشیائی ترقیاتی بینک (اے ڈی بی) کا کہنا ہے کہ پاکستان کو توانائی کے شعبے میں 155 ارب ڈالر سرمایہ کاری کی ضرورت ہے۔

تفصیلات کے مطابق ایشیائی ترقیاتی بینک (اے ڈی بی) نے سینٹرل ایشیا ریجن اکنامک کوآپریشن انرجی آؤٹ لُک رپورٹ جاری کردی۔

رپورٹ میں کہا گیا ہے کہ پاکستان کو توانائی کے شعبے میں گردشی قرضے جیسے شدید مسائل کا سامنا ہے۔پاکستان کو توانائی کے شعبے میں ٹرانسمیشن اینڈ ڈسٹریبیوشن کے مسائل ہیں۔

رپورٹ میں کہا گیا کہ پاکستان میں توانائی کا شعبہ ایکسپلوریشن نہ ہونے کے باعث درآمدی فیول پر منحصر ہے۔پاکستان میں 3.0 ٹیرا واٹ بجلی متبادل انرجی کے ذرائع سے پیدا کرنے کی صلاحیت ہے۔

رپورٹ میں مزید کہا گیا کہ 2015 سے پاکستان میں متبادل انرجی کے ذرائع سے بجلی کی پیداوار میں کمی ہو رہی ہے۔ پالیسی کے فقدان کے باعث پاکستان میں ایکسپلوریشن میں سرمایہ میں فقدان ہو رہا ہے۔

ایشیائی ترقیاتی بینک کی رپورٹ میں مزید کہا گیا کہ 2019 میں پاکستان میں مقامی آئل کی پیداوار 40 لاکھ ٹن تھی۔پاکستان میں سالانہ گیس کے ذخائر میں بتدریج کمی کا رجحان دیکھا جا رہا ہے۔

رپورٹ میں کہا گیا کہ توانائی شعبے کی ضروریات پوری کرنے کے لیے پاکستان سالانہ 15 لاکھ ٹن کوئلہ درآمد کر رہا ہے۔ پاکستان میں تقریباً 3 ارب ٹن کوئلے کے ذخائر موجود ہیں۔