گھی، آٹا، تیل سب عوام کی پہنچ سے دور ہونے لگا

ویب ڈیسک

03rd Jan, 2023. 11:36 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گھی، آٹا، تیل سب عوام کی پہنچ سے دور ہونے لگا

ملک بھر میں مہنگائی کی لہر نے عوام کا جینا مشکل کردیا، گھی، آٹا، تیل سب عوام کی پہنچ سے دور ہونے لگا۔

تفصیلات کے مطابق صوبائی دارالحکومت پشاور میں مہنگائی عروج پر پہنچ گئی، تیل اور گھی کی قیمتوں میں 80 روپے فی لیٹر تک کا اضافہ ہوگیا۔

ڈیلرز کا کہنا ہے کہ تیل کی فی لیٹر قیمت میں 50 سے 80 روپے تک اضافہ ہوا ہے جس کے بعد تیل فی لیٹر قیمت 394 روپے تک اور پانچ لیٹر تیل کی قیمت 2500 روپے تک پہنچ گئی ہے۔

مزید پڑھیں: مہنگائی کی شرح میں مزید اضافہ

ڈیلرز نے خدشہ ظاہر کیا ہے کہ تیل کی قیمتوں میں مزید اضافہ ہوسکتا ہے۔

ڈیلرز کا کہنا ہے کہ گھی کی فی کلوگرام قیمت میں 30 سے 50 روپے تک اضافہ ہوا ہے جس کے بعد مارکیٹ میں فی کلوگرام گھی کی قیمت 370 سے 390 روپے تک پہنچ گئی ہے۔

دوسری جانب سندھ میں گندم کی زخیرہ اندوزی کی وجہ سے آٹے کا بحران برقرار ہے۔

حیدرآباد میں آٹا چکی پر 10 کلو آٹے کا تھیلہ 1330 روپے میں جبکہ دکانوں پر آٹے کا 10 کلو کا تھیلہ 1350 روپے میں فروخت کیا جا رہا ہے۔

آٹے کی قیمت 140 روپے فی کلو ہونے کے بعد عوام کا پارہ ہائی ہوگیا ہے۔