مانیٹری پالیسی کا اعلان، شرح سود میں ایک فیصد اضافہ

ویب ڈیسک

23rd Jan, 2023. 04:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مانیٹری پالیسی کا اعلان، شرح سود میں ایک فیصد اضافہ

اسٹیٹ بینک نے نئی مانیٹری پالیسی کا اعلان کرتے ہوئے شرح سود میں ایک فیصد اضافہ کردیا۔

تفصیلات کے مطابق گورنر اسٹیٹ بینک جمیل احمد نے پریس کانفرنس کے دوران نئی مانیٹری پالیسی کا اعلان کیا۔

گورنر اسٹیٹ بینک نے کہا کہ شرح سود ایک فیصد اضافے سے 16 فیصد سے بڑھا کر 17 فیصد مقرر کردی گئی ہے۔

اس اضافے سے ملک میں شرح سود 27 سال کی بلند ترین سطح پر آگئی ہے۔

جمیل احمد نے کہا کہ مہنگائی کو روکنے کے لیے اقدامات ضروری ہیں۔ بیرونی شعبے کے لیے کرنٹ اکاؤنٹ خسارہ ہے۔ ڈالر نہیں آرہے جس سے زرمبادلہ کے ذخائر پر دباؤ برقرار ہے۔

انہوں نے مزید کہا کہ نومبر کے بعد اب تک ریو یو کیا گیا ہے، ہماری امپورٹس پر بہت اثرات آرہےہیں۔ لارج اسکیل مینو فیکچرنگ میں کافی ایشوز چل رہے ہیں۔

گورنر اسٹیٹ بینک کا کہنا ہے کہ 10 ارب ڈالرز کے کرنٹ اکؤنٹ خسارے کا امکان ہے۔ 6 ماہ سے کرنٹ اکاؤنٹ خسارہ 3.4 ارب ڈالرز ہے۔

جمیل احمد نے کہا کہ بیرونی ادائیگیوں کے باعث زرمبادلہ کے ذخائر میں کمی آئی ہے۔ اس سال 9 ارب ڈالرز کا کرنٹ اکاؤنٹ خسارہ رہےگا۔

انہوں نے کہا کہ عالمی مارکیٹ میں بے یقینی کی صورتحال پاکستان پر اثر انداز ہورہی ہے۔