وزیر پیٹرولیم نے قوم کو بڑی خوشخبری سنا دی

ویب ڈیسک

20th Feb, 2023. 01:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر پیٹرولیم نے قوم کو بڑی خوشخبری سنا دی

وفاقی وزیر پیٹرولیم مصدق ملک نے قوم کو بڑی خوشخبری سنا دی ہے۔

تفصیلات کے مطابق وفاقی وزیر پیٹرولیم مصدق ملک نے لاہور میں پریس کانفرنس کرتے ہوئے کہا کہ معاشی بحالی موجودہ حکومت کی اولین ترجیح ہے، آنے والے وقت میں چیزوں کی قیمتیں کم ہونگی۔

انہوں نے کہا کہ حکومتی پالیسی کے باعث جلد مہنگائی میں کمی آئے گی، آئندہ امیر اور غریب آدمی کے گیس کے بل میں فرق ہوگا۔

یہ بھی پڑھیں: آئی ایم ایف سے چار ماہ غریب آدمی کیلئے لڑا گیا ہے، مصدق ملک

مصدق ملک نے کہا کہ فونٹ استعمال کرنے پر مریم نواز کو 7 سال کی قید ہوئی، بیٹے سے تنخواہ نہ لینے پر نواز شریف کو تاحیات نااہل کر دیا گیا۔

وزیر پیٹرولیم نے کہا کہ عمران خان چاہتے ہیں انہیں کوئی جیل میں نہ ڈالے، عمران خان کارکنان کو کہتا ہے کہ میرے گھر کے باہر آجاؤ کہیں مجھے گرفتار نہ کرلیں۔

مصدق ملک نے کہا کہ عمران خان خود اپنے گھر میں بیٹھا ہوا اور لوگوں کے بچوں کو جیل بھیجنے کی بات کر رہا ہے، عمران خان کہتا ہے کہ غریب کے بچوں کو جیلوں میں جھونک دو، عمران خان قانون کی دھجیاں اڑا رہا ہے اور کوئی اسے پوچھنے والا نہیں۔

یہ بھی پڑھیں: کاروباری طبقے کے مسائل کا حل حکومت کی اولین ترجیح ہے، مصدق ملک

وفاقی وزیر پیٹرولیم مصدق ملک نے کہا کہ ہیرے جواہرات چوری کرنے والے سے کوئی حساب نہیں لے رہا، عمران خان کی حکومت نے عارف نقوی کی کمپنیوں کو اربوں کا فائدہ دیا۔