اب بینک سے رقم نکلوانے پر کتنا ٹیکس لگے گا؟ اہم خبر آگئی

ویب ڈیسک

08th Jun, 2023. 02:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اب بینک سے رقم نکلوانے پر کتنا ٹیکس لگے گا؟ اہم خبر آگئی

بینک سے رقم نکلوانے پر کتنا ٹیکس لگے گا اس حوالے سے اہم خبر آ گئی ہے۔

تفصیلات کے مطابق وفاقی حکومت نے آئندہ مالی سال کے بجٹ میں عوام پر بینکوں سے رقوم نکلوانے پر ودہولڈنگ ٹیکس لگانے کی تیاری کرلی۔

ایف بی آر کے ذرائع کے مطابق آئندہ بجٹ میں نان فائلرز کیلئے گاڑیوں پر ایڈوانس انکم ٹیکس میں دگنا اضافہ کرنے کی تجویز دی گئی ہے جبکہ پاکستان بزنس کونسل نے بینکوں سے رقوم نکلوانے پر ودہولڈنگ ٹیکس لگانےکی سفارش کی ہے۔

اس سے قبل نان فائلرز پر بینکوں سے یومیہ 50 ہزار روپے کیش نکلوانے پر ٹیکس ختم کردیا گیا تھا تاہم اب بجٹ میں نان فائلرز پر بینک سے کیش نکلوانے پر عائد ٹیکس دوبارہ لگانے جبکہ گاڑی کی خریداری پر انجن کپیسٹی کے بجائے خریداری رسید پر وِد ہولڈنگ ٹیکس کی تجویز بھی پیش کی گئی ہے۔

بجٹ میں تجارتی خسارہ 28 ارب 70 کروڑ ڈالرز ہوگا، انکم ٹیکس ایکٹ کی شق 231، 231 اے اور 236 پی کو بحال کرنے کی سفارش بھی کی گئی ہے جبکہ پیٹرولیم ڈیویلپمنٹ لیوی 50 روپے سے بڑھا کر 60 روپےفی لیٹر کرنے کا فیصلہ کیا گیا ہے۔

آئندہ مالی سال کے بجٹ میں ملکی برآمدات کا ہدف 30 ارب ڈالرز مقرر کیا گیا ہے جبکہ درآمدات کا تخمینہ 58 ارب 70 کروڑ ڈالرز لگایا گیا ہے۔