کراچی کے شہری بدترین گیس بحران کے لیے تیار ہو جائیں، شہر میں 12 سے 27 اگست گیس کی سپلائی میں کمی ہو گی۔
اس حوالے سے ایس ایس جی سی کی جانب سے ہدایات نامہ جاری کیا گیا ہے جس میں بتایا گیا ہے کہ 12 سے 27 اگست تک کراچی میں گیس کی سپلائی میں 107 ایم ایم سی ایف ڈی گیس کی کمی کا سامنا ہوگا جس سے گھریلو، کمرشل، انڈسٹری، کیپٹو پاور شدید متاثر ہوں گے۔
اوجی ڈی سی ایل نے کنڑ پاساکھی گیس فیلڈ کیلئے مینٹیننس پلان جاری کر دیا ہے۔ گیس فیلڈ کی 16 دنوں کے لیے تین مراحل میں 12 سے 27 اگست 2023 تک مینٹیننس کی جائے گی۔
ترجمان سوئی سدرن کا کہنا ہے کہ مینٹیننس کے باعث گیس فیلڈ کی سالانہ بندش ہوگی۔
ترجمان کے مطابق 8 دن کا مکمل گیس شٹ ڈاؤن ہوگا جس کے نتیجے میں گیس فیلڈ کی مکمل بندش اور 4 دنوں کے دو جزوی شٹ ڈاؤنز ہونگے جبکہ سوئی سدرن کو مکمل شٹ ڈاؤن میں 107 ایم ایم سی ایف ڈی اور دونوں جزوی شٹ ڈاؤنز کے دوران 50 ایم ایم سی ایف ڈی کی کمی کا سامنا کرنا پڑے گا۔
علاوہ ازیں گیس کے ذخائر میں مسلسل کمی کی وجہ سے طلب اور رسد کا فرق پہلے سے ہی متاثر ہے اس لیے یہ شٹ ڈاؤن اس فرق کو مزید متاثر کرے گا۔
ترجمان کا مزید کہنا ہے کہ مینٹنس کے باعث ڈسٹری بیوشن لائنوں کے آخری حدود پر واقع صارفین کو دباؤ کا سامنا کرنا پڑ سکتا ہے، سپلائی کی فراہمی کو یقینی بنا کر گیس لوڈ کو مؤثر طریقے سے منظم کرنے کے لیے اپنی پوری کوشش کرے گی۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News