سکھر: سیپکو نے حکومت کی ہدایت پر بجلی چوروں اور نادہندگان کے خلاف بھرپور آپریشن شروع کردیا ہے۔

ترجمان سیپکو کے مطابق سیپکو کی 16 ٹیمیں آپریشن میں حصہ لے رہی ہیں جبکہ بجلی چوروں اور نادہندگان کے خلاف آپریشن کی نگرانی سیپکو چیف سعید احمد ڈاوچ خود کررہے ہیں۔

ترجمان نے بتایا کہ لاڑکانہ، گھوٹکی، سکھر، خیرپور اور شکارپور میں سیپکو ٹیموں نے اپنے آپریشن کے دوران ہزاروں غیر قانونی بجلی کنکشن منقطع کردیے جبکہ بعض علاقوں میں بجلی چوروں کی جانب سے مزاحمت پر سیپکو حکام نے پولیس سے رجوع کرلیا۔

علاوہ ازیں بجلی چوروں کے خلاف آپریشن کے دوران ہزاروں میٹر بجلی کی تار قبضے میں لے لی گئی اور بجلی کے واجبات کی عدم ادائیگی پر ہزاروں نادہندگان کے کنکشن منقطع کردیے۔

اس حوالے سے سیپکو چیف سعید احمد ڈاوچ نے کہا کہ بجلی چوروں کے خلاف بلاتفریق آپریشن کیا جارہا ہے کوئی دباؤ قبول نہیں کریں گے، سیپکو کے نادہندگان پر 167 ارب روپے سے زائد کے واجبات ہیں۔

انہوں نے مزید کہا کہ بجلی چوری کی مکمل روک تھام کی جائے گی، سیپکو ٹیموں کی کارکردگی روزانہ کی بنیاد پر مانیٹر کی جارہی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں