آٹے کی قیمت میں کمی، کراچی میں روٹی کتنے کی ہونی چاہیے؟

ویب ڈیسک

17th Apr, 2024. 12:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آٹے کی قیمت میں کمی، کراچی میں روٹی کتنے کی ہونی چاہیے؟

کراچی: آٹے کی قیمت میں غیر معمولی کمی ہونے کے بعد کراچی میں روٹی 15 روپے کی ہونی چاہیے۔

اس حوالے سے ہول سیل گروسرز ایسوسی ایشن کے چیئرمین عبدالرؤف ابراہیم نے کہا ہے کہ کراچی میں روٹی 15 روپے کی ہونی چاہیے، صرف ایک ماہ میں آٹے کی قیمت 19 روپے فی کلو نیچے آچکی ہے، آٹے کی قیمت بلند ترین سطح سے 40 روپے فی کلو کم ہوچکی ہے۔

انکا کہنا تھا کہ رمضان سے اب تک ہول سیل میں آٹے کی قیمت 122 روپے سے گر کر 104 روپے پر آچکی ہے، پانچ کلو آٹا گوندنے کے بعد ساڑھے سات کلو بنتا ہے، آٹے کے سرکاری ریٹ زیادہ جبکہ مارکیٹ میں آٹا سستا فروخت ہورہا ہے۔

عبدالرؤف ابراہیم نے مزید کہا کہ حکومت سندھ از سر نو جائزہ لے کر آٹے کے فوری نئے سرکاری ریٹ جاری کرے، نئے سرکاری ریٹ جاری کر کے روٹی اور ڈبل روٹی کے ریٹس کم کرائے جائیں، ناجائز منافع خور مہنگے داموں ڈبل روٹی اور روٹی فروخت کرکے عوام کو لوٹ رہے ہیں۔