ایشیائی ترقیاتی بینک پاکستان کو 50 کروڑ ڈالر قرض دے گا

عمر حیات خان

26th Oct, 2024. 10:26 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایشیائی ترقیاتی بینک پاکستان کو 50 کروڑ ڈالر قرض دے گا

ایشیائی ترقیاتی بینک (اے ڈی بی) پاکستان کو 50 کروڑ ڈالر قرض دے گا۔

تفصیلات کے مطابق اے ڈی بی کے صدر ماساتسوگو اساکاوا کی وزیر خزانہ محمد اورنگزیب سے واشنگٹن میں ملاقات ہوئی۔

ملاقات میں ایشیائی ترقیاتی بینک کے صدر نے 50 کروڑ ڈالر قرض کی فراہمی کا عندیہ دے دیا۔ رقم ماحولیاتی اور قدرتی آفات سے تحفظ کے پروگرام پر خرچ کی جائے گی۔

ترجمان وزارت خزانہ کا کہنا ہے کہ ایشیائی ترقیاتی بینک کا بورڈ 29 اکتوبر کو نئے قرض کی منظوری پر غور کرے گا۔

ترجمان وزارت خزانہ نے کہا کہ وزیر خزانہ نے پالیسی بیسڈ لون کی منظوری کے لیے اے ڈی بی کی حمایت پر شکریہ ادا کیا اور پاکستان کے ترقیاتی ایجنڈے کی حمایت میں بھی اے ڈی بی کی شراکت کو سراہا۔

وزیر خزانہ نے اے ڈی بی کے کنٹری پارٹنرشپ فریم ورک کی جلد تکمیل کی امید ظاہر کی۔ انہوں نے کیپیٹل ایڈیکویسی فریم ورک کی کامیاب تکمیل کو بھی سراہا۔

ترجمان وزارت خزانہ کا کہنا ہے کہ اگلے تین سال کے لئے پاکستان کو زائد سرچارجز سے چھوٹ دینے پر وزیر خزانہ نے اے ڈی بی کی تعریف کی۔

دونوں فریقین نے ملکی محصولات میں اضافے، علاقائی تعاون کی ضرورت پر اتفاق کیا۔

وزیر خزانہ نے اسلام آباد میں اے ڈی بی کے نئے دفتر کے آغاز کا خیرمقدم کیا۔