ایف بی آر کا رواں مالی سال کا ٹیکس ہدف بھی حاصل نہ ہوسکا، تاریخی شارٹ فال

ویب ڈیسک

30th Jun, 2025. 04:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایف بی آر کا رواں مالی سال کا ٹیکس ہدف بھی حاصل نہ ہوسکا، تاریخی شارٹ فال

ایف بی آر کی جانب سے سیلز ٹیکس رجسٹرڈ ٹیکس دہندگان کیلئے اہم خبر

اسلام آباد: وفاقی بورڈ آف ریونیو (ایف بی آر) رواں مالی سال 2024-25 کے دوران مقرر کردہ ٹیکس ہدف حاصل کرنے میں ناکام رہا جس کے نتیجے میں تاریخی شارٹ فال سامنے آیا ہے۔

ذرائع کے مطابق اصل ہدف 12 ہزار 977 ارب روپے تھا جس کے مقابلے میں اب تک تقریباً 1 ہزار 470 ارب روپے کی کمی سامنے آئی ہے۔

بعد ازاں ہدف کو پہلی بار نظرثانی کرکے 12 ہزار 332 ارب روپے کردیا گیا تاہم اس کے باوجود تقریباً 832 ارب روپے کا شارٹ فال سامنے آیا۔

یہ بھی پڑھیں: ایف بی آر نے آئی ایم ایف کی ایک اور شرط پوری کردی، صنعتی پیداوار کی مانیٹرنگ کا فیصلہ

ذرائع کا کہنا ہے کہ دوسری مرتبہ نظرثانی کے بعد ہدف 11 ہزار 900 ارب روپے مقرر کیا گیا لیکن ایف بی آر اس میں بھی تقریباً 400 ارب روپے کی کمی کا شکار ہوا۔

گزشتہ روز دفاتر بند ہونے تک ایف بی آر نے 11 ہزار 280 ارب روپے جمع کیے تھے جب کہ آج کے دن کے لئے 620 ارب روپے اکٹھے کرنے کا ہدف رکھا گیا تھا۔

ذرائع کا کہنا ہے کہ اب تک کی صورتحال کے مطابق ایف بی آر رواں مالی سال میں تقریباً 11 ہزار 500 ارب روپے ریونیو جمع کرسکے گا۔

واضح رہے کہ دو مرتبہ ہدف میں تبدیلی کے باوجود ایف بی آر مطلوبہ محصولات اکٹھی کرنے میں ناکام رہا ہے۔