احتساب عدالت  لاہور نے خواجہ سعد رفیق اور خواجہ سلمان رفیق کے جوڈیشل ریمانڈ میں 17 ستمبر تک توسیع کر دی  ہے۔

تفصیلات کے مطابق لاہور کی احتساب عدالت نے پیراگون ہائوسنگ سکیم ریفرنس کی سماعت کرتے ہوئے خواجہ سعد رفیق اور خواجہ سلمان رفیق کے جوڈیشل ریمانڈ میں 17 ستمبر تک توسیع کر دی  ہے۔

احتساب عدالت کے جج جواد الحسن نے کیس کی سماعت کی۔

ملزمان نے فردم جرم عائد کئے جانے  کے خلاف  درخواستیں دائر کر رکھی ہیں۔

وکیل خواجہ برادران  نے عدالت میں کہا کہ پیرا گون ریفرنس بے بنیاد اور جھوٹا بنایا گیا ہے۔گزشتہ سماعت پر بے بنیاد فرد جرم عائد کی گئی ہے۔

وکیل خواجہ برادران   نے استدعا کی کہ فرد جرم عائد کرنے کے اقدام کو کالعدم قرار دے کر بری کیا جائے۔

فاضل جج نے اپنے ریمارکس میں کہا کہ جب ریفرنس آیا تو تب کیوں نہیں آئے، اب تو فرد جرم بھی عائد ہو چکی ہے۔

گزشتہ سماعت پر پیرا گون سوسائٹی کیس   میں احتساب عدالت لاہورنے خواجہ برادران پر فرد جرم عائد کی تھی۔

خواجہ سعد رفیق نے عدالت سے کہا کہ میرے وکیل ابھی موجود نہیں کچھ دیر انتظار کر لیں وکیل ساتھ والی عدالت میں ہیں انہیں آنے دیں ،عدالت نے کہا کہ ہم آپ پر فرد جرم عائد کرتے ہیں ،آپ بتائیں سائن کرنے ہیں یا نہیں؟

خواجہ سعد رفیق اور سلمان رفیق نے صحت جرم سے انکار کر دیا تھا۔

خواجہ سعد رفیق نے عدالت سے کہا کہ ہمارے وکیل کا انتظار کر لیں۔ جس پر عدالت نے کہا کہ فرد جرم عائد کر رہے ہیں، سزا نہیں سنا رہے۔

خواجہ برادران پر پیرا گون سٹی میں مالی فوائد حاصل کرنے کا الزام ہے۔ جس پر وہ نیب کی حراست میں ہیں۔