لاہور ہائیکورٹ نے بجلی کے بلوں میں اضافے کیخلاف درخواست  نیپرا کو بھجواتے ہوئے فیصلہ کرنے کی ہدایت کردی۔

تفصیلات کے مطابق لاہور ہائی کورٹ کے جسٹس محمد رضا قریشی نے بجلی کے بلوں میں اضافے کے خلاف درخواست پر سماعت کی۔

درخواست گزار میاں عبدالمتین کے وکیل میاں منیب طارق نے دلائل دیتے ہوئے کہا کہ پی ٹی وی کی فیس بلاجواز وصول کی جارہی ہے، غلط بل بھجوا کر عوام کے بنیادی حقوق سلب کیے جارہے ہیں۔

درخواست گزار کے وکیل نے اپنے موقف میں کہا کہ غی رقانونی ٹیکسز اور اووربلنگ سے عوام کو مشکلات کا سامنا کر دیا گیا ہے۔

درخواست گزار نے استدعا کی کہ عدالت بجلی کے بلوں میں حالیہ اضافہ کالعدم قرار دے۔

وکیل کی بول سے گفتگو

بجلی کے بلوں میں اضافے کے خلاف درخواست گزار کے وکیل نے بول نیوز سے گفتگو کرتے ہوئے کہا کہ عدالت نے ہماری درخواست نیپرا کو بھجواتے ہوئے اکیس دنوں میں فیصلہ کرنے کی ہدایت کی ہے، ہم نے عدالت کو بتایا کہ مہنگی بجلی بنیادی حقوق سلب کرنے کے مترادف ہے۔

وکیل نے بتایا کہ فیول کی قیمت، فیول ایڈجسٹمنٹ، انکم اور سپر ٹیکسز کو عدالت کے سامنے چیلنج کیا گیا،اس کے علاوہ لیٹ میٹر ریڈنگ، بجلی چوری کےلاسز اور سرکاری ٹی وی کی فیسوں کی وصولی کو بھی چیلنج کیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں