بجلی کے زائد بلوں اور مفت یونٹس کی فراہمی کا معاملہ سپریم کورٹ تک جاپہنچا

ویب ڈیسک

30th Aug, 2023. 01:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بجلی کے زائد بلوں اور مفت یونٹس کی فراہمی کا معاملہ سپریم کورٹ تک جاپہنچا

اسلام آباد: بجلی کے زائد بلوں اور مفت یونٹس کی فراہمی کا معاملہ سپریم کورٹ تک پہنچ گیا ہے۔

تفصیلات کے مطابق بجلی کے زائد بلوں اور مخصوص طبقے کو مفت بجلی فراہمی کیخلاف شہری سعیدہ بیگم نے سپریم کورٹ میں درخواست دائر کر دی ہے۔

درخواست میں مؤقف اختیار کیا گیا ہے کہ سابقہ حکومت نے آئی پی پی بورڈز کو بجلی پر ٹیکس سے استثنی دیا، بجلی کے محکمہ میں کام کرنے والے بھی تنخواہ لیتے ہیں۔

درخواست گزار نے کہا کہ عوام کی سہولت کیلئے بجلی کے بنائے گئے سلیب بحال کیے جائیں۔ آئین تمام شہریوں کو یکساں سہولیات کی فراہمی یقینی بناتا ہے۔

درخواست میں بتایا گیا کہ درخواست گزار کو بجلی کا 54 ہزار سے زائد کا بل آیا، تمام وسائل کے باوجود درخواست گزار بجلی کا بل ادا کرنے سے قاصر ہے۔

درخواست گزار نے استدعا کی ہے کہ تمام محکموں کے افسران کو بجلی کے مفت یونٹس کی فراہمی فوری روکنے کا حکم دیا جائے اور بجلی کے بلوں پر عائد ٹیکس کالعدم قرار دیتے ہوئے آئی پی پیز سے ریکوری کی جائے۔

درخواست میں عدالت سے عدلیہ اور ارکان پارلیمان کو بھی مفت بجلی اور پیٹرول کی سہولت کالعدم قرار دینے کی استدعا کی گئی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں