لاہور ہائی کورٹ نے توہین عدالت کیس میں انسپکٹر جنرل (آئی جی) اسلام آباد اکبر ناصر خان کے ناقابل ضمانت وارنٹ گرفتاری جاری کر دیے۔

تفصیلات کے مطابق لاہور ہائیکورٹ میں رہائی کے حکم کے باوجود پرویزالہیٰ کی گرفتاری پر پولیس افسروں کے خلاف توہین عدالت کیس کی سماعت ہوئی۔

آئی جی اسلام آباد کے قابل ضمانت وارنٹ گرفتاری کے باوجود پیش نہ ہونے کے معاملے ہر عدالت نے آئی جی اسلام آباد کے ناقابل ضمانت وارنٹ گرفتاری جاری کردیے۔

عدالت نے متعلقہ ایس پی اسلام آباد کو آئی جی کو پیش نہ کرنے پر شوکاز نوٹس جاری کرتے ہوئے متعلقہ ایس پی کو آئی جی اسلام آباد کو گرفتار کرکے عدالت میں پیش کرنے کا حکم دیا۔

لاہور ہائیکورٹ نے چیف کمشنر اسلام آباد کے بھی قابل ضمانت وارنٹ گرفتاری جاری کردیے اور ایڈیشنل آئی جی اسلام آباد کو عمل درآمد کرانے کی ہدایت کردی۔

واضح رہے کہ گزشتہ سماعت میں لاہورہائیکورٹ نے پیش نہ ہونے پر آئی جی پولیس اسلام آباد کے وارنٹ جاری کرتے ہوئے انہیں آج پیش کرنے کا حکم دیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں