لاہور ہائی کورٹ نے پرویز الہیٰ کی توہین عدالت کی درخواست پر سماعت 18 ستمبر تک ملتوی کردی۔

تفصیلات کے مطابق لاہور ہائیکورٹ میں عدالتی حکم کے باوجود چوہدری پرویز الہیٰ کی گرفتاری کے معاملے پر ڈی آئی جی انویسٹیگیشن اور ڈی آئی جی آپریشن اور ایس ایس پی آپریشنز کیخلاف توہین عدالت کی درخواست پر سماعت ہوئی۔

جسٹس چوہدری وقاص روف نے پرویز الہیٰ کی اہلیہ قیصرہ الہیٰ کی توہین عدالت کی درخواست پر سماعت کی۔

عدالت کے حکم پر ڈی آئی جی آپریشنز، ڈی آئی جی انوسٹیگیشن اور ایس ایس پی آپریشنز عدالت میں پیش ہوئے جبکہ عدالت کے روبرو آئی جی اسلام آباد پولیس پیش نہ ہوئے اور نہ ہی جواب داخل کرایا۔

عدالت میں پولیس افسران نے توہین عدالت شوکاز نوٹس کے جوابات داخل کرا دیے اور آئی جی پنجاب نے عدالت کے حکم پر معاملے کی انکوائری کروا کے رپورٹ بھی پیش کرا دی۔

عدالت نے ریمارکس دیے کہ آئی جی پولیس اسلام آباد کو بتائیں کہ عدالتی حکم پر عملدرآمد نہ کرنے سے ان کے لیے مشکلات پیدا کر سکتا ہے، ان کو عدالت کے حکم پر پیش ہونا ہی پڑے گا۔

لاہور ہائیکورٹ نے کہا کہ کس طرح سے پیش ہونا ہے یہ آئی جی اسلام آباد پر منحصر ہے، خود پیش ہوں گئے تو اور بات اور ہو گئی، عدالت کو اپنے احکامات پر عمل درآمد کروانا تھا۔

عدالت نے پرویز الہیٰ کی توہین عدالت کی درخواست پر سماعت 18 ستمبر تک ملتوی کردی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں