اسلام آباد ہائی کورٹ نے توشہ خانہ ریفرنس فیصلے کے خلاف سابق چیئرمین پاکستان تحریک انصاف کی اپیل واپس لینے کی درخواست مسترد کر دی۔
تفصیلات کے مطابق چیف جسٹس اسلام آباد ہائی کورٹ نے توشہ خانہ کیس میں الیکشن کمیشن کے فیصلے کے خلاف سابق چیئرمین پی ٹی آئی کی اپیل واپس لینے کی درخواست پر محفوظ فیصلہ سنا دیا۔
عدالت نے توشہ خانہ ریفرنس میں الیکشن کمیشن کے فیصلے کے خلاف اپیل واپس لینے کی درخواست مسترد کردی۔
یاد رہے کہ بانی چیئرمین پی ٹی آئی نے 21 اکتوبر 2022 کے فیصلے کے خلاف اپیل دائر کی تھی جبکہ لاہور ہائیکورٹ میں بھی اپیل زیر التوا ہونے کی وجہ سے اپیل اسلام آباد ہائی کورٹ سے واپس لینے کی درخواست دائر کر رکھی ہے۔
بانی چیئرمین پی ٹی آئی نے 18 جنوری کو اپیل واپس لینے کی درخواست دائر کی تھی اور 13 ستمبر کو فریقین کے دلائل کے بعد عدالت نے فیصلہ محفوظ کیا تھا۔
وکیل چیئرمین پی ٹی آئی بیرسٹر علی ظفر نے دلائل میں کہا تھا کہ چیئرمین پی ٹی آئی الیکشن کمیشن کے خلاف اپیل اسلام آباد ہائی کورٹ سے واپس لے کر لاہور ہائیکورٹ چلانا چاہتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News