مونس الہٰی کے کاغذات نامزدگی مسترد کرنے کا تحریری فیصلہ جاری

ویب ڈیسک

25th Jan, 2024. 10:56 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مونس الہٰی کے کاغذات نامزدگی مسترد کرنے کا تحریری فیصلہ جاری

لاہور ہائی کورٹ نے سابق وزیر اعلیٰ پنجاب پرویز الہٰی کے صاحبزادے مونس الہٰی کے کاغذات نامزدگی مسترد کرنے کا تحریری فیصلہ جاری کردیا۔

لاہور ہائیکورٹ کے جسٹس علی باقر نجفی کی سربراہی میں تین رکنی بنچ نے مونس الہٰی کے کاغذات نامزدگی مسترد کرنے کا تحریری فیصلہ جاری کیا جو کہ 12 صفحات پر مشتمل ہے۔

تحریری فیصلے میں کہا گیا کہ مونس الہٰی نے کاغذات نامزدگی میں غلط معلومات دیں، انہوں نے اثاثوں کے بارے میں حقائق چھپائے۔

واضح رہے کہ 9 جنوری کو لاہور ہائی کورٹ کی ایپلٹ ٹربیونل نے پرویز الہٰی، ان کی اہلیہ قیصرہ الہٰی اور ان کے صاحبزادے و سابق وفاقی وزیر مونس الہٰی کے کاغذات نامزدگی مسترد ہونے کے خلاف اپیل پر فیصلہ محفوظ کیا تھا۔

10 جنوری کو لاہور ہائی کورٹ کی ایپلٹ ٹربیونل نے سابق وزیر اعلیٰ پنجاب پرویز الہیٰ، ان کی اہلیہ قیصرہ الہٰی اور صاحبزادے مونس الہیٰ کے کاغذات نامزدگی مسترد ہونے کے خلاف دائر اپیلیں خارج کردی تھیں۔

مونس الہٰی نے اپیلٹ ٹربیونل کے فیصلے کے خلاف درخواست دائر کی تھی، انہوں نے این اے 64,69 اور پی پی 32,34 سے کاغذات نامزدگی جمع کروائے تھے۔