لاہور ہائیکورٹ؛ ادویات کی قیمتوں کے تعین کا نوٹیفکیشن معطل
لاہور ہائی کورٹ نے ادویات کی قیمتوں کے تعین کا نوٹیفکیشن معطل کر دیا۔
جسٹس شاہد کریم نے ادویات کی قیمتوں کے تعین کے نوٹیفکیشن کے خلاف کیس کی سماعت کی۔ دوران سماعت درخواست گزار محمد اسلم کے وکیل ندیم سرور نے دلائل دیے۔
درخواست میں مؤقف اختیار کیا گیا کہ میڈیسن کی قیمتیں مقرر کرنے کے لیے نگران حکومت نے قانون کے منافی نوٹیفکیشن جاری کیا، نوٹیفکیشن کے بعد ادویات کی قیمتوں میں اضافہ ہوگا۔
درخواست گزار نے مزید کہا کہ حکومت نے ادویات کی قیمتیں مقرر کرنے کی سیکشن ڈرگ ایکٹ سے نکال رہی ہے، نگران حکومت کے پاس یہ اختیار نہیں ہے، عوامی اور جمہوری حکومت آنے والی ہے یہ اقدام وہ کرسکتی ہے۔
Advertisement
درخواست گزار نے استدعا کی کہ موجودہ نوٹیفکیشن آئین اور قانون کے منافی ہے، عدالت درخواست کے حتمی فیصلے تک اسے معطل کرنے کا حکم دے۔
عدالت نے ادویات کی قیمتوں کے تعین کے نوٹیفکیشن کو معطل کرتے ہوئے وفاقی حکومت، وفاقی وزارت صحت، سی او ڈریپ اور دیگر فریقین سے جواب طلب کرلیا۔
Advertisement
واضح رہے کہ گزشتہ روز ادویات کی قیمتوں کے تعین کے نوٹیفکیشن کو لاہور ہائیکورٹ میں چیلنج کیا گیا تھا، درخواست محمد اسلم نامی شہری کی جانب سے دائر کی گئی تھی جس میں وفاقی حکومت سمیت دیگر کو فریق بنایا گیا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
