پتنگ بازی نہ روکنے پر لاہور ہائیکورٹ میں درخواست دائر

عبدالرحمان

29th Mar, 2024. 12:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پتنگ بازی نہ روکنے پر لاہور ہائیکورٹ میں درخواست دائر

لاہور: پتنگ بازی نہ روکنے پر لاہور ہائیکورٹ میں درخواست دائر کردی گئی ہے۔

لاہور میں پتنگ بازی نہ روکنے پر درخواست گزار نے رانا محمد سکندر ایڈووکیٹ کی وساطت سے عدالت سے رجوع کیا، تاہم درخواست میں پنجاب حکومت اور پولیس کو فریق بنایا گیا ہے۔

درخواست میں مؤقف اختیار کیا گیا کہ لاہور کے مختلف علاقوں میں پتنگ بازی کی جارہی ہے اور پتنگ بازی روکنے کے لیے کوئی اقدامات نہیں کیے جا رہے۔

درخواست گزار نے کہا کہ پتنگ بازی پر حکومت نے پابندی عائد کر رکھی ہے، پتنگ بازی کے باعث متعدد افراد ہلاک ہو چکے ہیں۔

مزید پڑھیں؛ پنجاب پولیس کی پتنگ بازی کے خلاف کارروائیوں میں تیزی

درخواست میں مزید کہا گیا کہ موٹر وہیکل آرڈیننس آرٹیکل 96 ون اور ٹو کے تحت حکومت کارروائی کا اختیار رکھتی ہے، کائیٹ فلائنگ آرڈیننس 2001 کی خلاف ورزی کی جا رہی ہے۔

درخواست گزار نے استدعا کی کہ عدالت موٹر سائیکل سواروں کو راڈ تار استعمال کرنے پر عملدرآمد کروائے اور لاہور شہر میں رات گئے پتنگ بازی کو روکنے کا حکم دے۔