پنجاب پولیس نے گذشتہ 24 گھنٹوں کے دوران صوبہ بھر میں اینٹی کائٹ فلائنگ ایکٹ کے تحت انسدادی کاروائیوں کی تفصیلات جاری کر دیں۔

 ترجمان پنجاب پولیس کے مطابق لاہور سمیت صوبہ بھر میں قانون شکنوں کے خلاف 128 مقدمات درج جبکہ 128 ملزمان کو گرفتار کر لیا گیا ہے ، ملزمان کے قبضے سے 14077 پتنگیں اور 10299 ڈوریں و چرخیاں برآمد ہوئیں

ترجمان پنجاب پولیس کا کہنا ہے کہ 26 فروری سے شروع کریک ڈاؤن میں صوبہ بھر میں 3228 مقدمات درج کر کے 3361 ملزمان کو گرفتار کیا گیا ہے، ملزمان کے قبضے سے177631 پتنگیں اور  13892 ڈوریں و چرخیاں برآمد ہوئیں۔

آئی جی پنجاب ڈاکٹر عثمان انور نے دھاتی ڈور و پتنگوں سے انسانی جانوں کے تحفظ کیلئے مانیٹرنگ و سرویلنس مزید بہتر بنانے کا حکم دیتے ہوئے کہا کہ خطرناک کھیل اور کاروبار میں ملوث سماج دشمن عناصر کسی رعایت کے مستحق نہیں، سول سوسائٹی کے تعاون سے پتنگ بازی کے جان لیوا نقصانات بارے آگاہی مہم بھی جاری رکھی جائے۔

آئی جی پنجاب ڈاکٹر عثمان انور نے مزید کہا کہ آر پی اوز ، ڈی پی اوز پتنگ بازی کی روک تھام کیلئے سرکل افسران اور ایس ایچ اوز کو مزید متحرک کریں جبکہ دھاتی ڈور کی تیاری ، فروخت اور استعمال میں ملوث ملزمان کو قانون کی گرفت میں لا کر قرار واقعی سزائیں دلوائی جائیں۔