اسلام آباد ہائیکورٹ کا خیبرپختونخوا ہاؤس ڈی سیل کرنے کا حکم

ویب ڈیسک

10th Oct, 2024. 12:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلام آباد ہائیکورٹ کا خیبرپختونخوا ہاؤس ڈی سیل کرنے کا حکم

اسلام آباد ہائی کورٹ نے خیبرپختونخوا ہاؤس کو ڈی سیل کرنے کا حکم دے دیا۔

اسلام آباد ہائیکورٹ کے چیف جسٹس عامر فاروق نے خیبرپختونخوا ہاؤس سیل کرنے کی درخواست پر سماعت کی۔ عدالتی حکم پر سیلنگ کرنے والے ڈائریکٹر بلڈنگ کنٹرول عدالت میں پیش ہوئے۔

دوران سماعت چیف جسٹس عامر فاروق نے ریمارکس دیتے ہوئے کہا کہ آج ایک کی حکومت ہے کل دوسرے کی ہو گی لیکن ہاؤس خیبرپختونخوا حکومت کا ہے، یہ عمل شرمناک ہے، ایسا تاثر نہیں جانا چاہیے کہ کسی کو ٹارگٹ کیا جا رہا ہے، میں کے پی ہاؤس ڈی سیل کرنے کا آرڈر کر رہا ہوں۔

کیپٹل ڈویلپمنٹ اتھارٹی (سی ڈی اے) کے حکام نے بتایا کہ کے پی کے ہاؤس کو سیل کیا گیا، سی ڈی اے کی جانب سے غیر قانونی تعمیرات کی بنیاد پر آپریشن کیا گیا اور تین نوٹس دیے گئے۔

چیف جسٹس نے کہا کہ آپ نے وقت دینا تھا غیر قانونی تعمیرات سے متعلق درستگی کر لیتے، مجھے یقین ہے آپ درست کہہ رہے ہیں لیکن ٹائمنگ درست نہیں تھی، سیاسی ہمدردیاں بعد کی بات ہے سب سے پہلے پاکستان ہے۔

چیف جسٹس عامر فاروق نے ریمارکس دیتے ہوئے مزید کہا کہ اس طرح نہ لگے کہ آپ کسی کو ٹارگٹ کر رہے ہیں، فیصلہ دے رہا ہوں آپ خیبرپختونخوا ہاؤس ڈی سیل کریں۔