بشریٰ بی بی کی عبوری ضمانت کی 3 درخواستیں مسترد

ویب ڈیسک

13th Jan, 2025. 10:09 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بشریٰ بی بی کی عبوری ضمانت کی 3 درخواستیں مسترد

اسلام آباد کی ڈسٹرکٹ اینڈ سیشن کورٹ نے بانی پی ٹی آئی کی اہلیہ بشریٰ بی بی کی عبوری ضمانت کی درخواستیں مسترد کر دیں۔

ایڈیشنل سیشن جج محمد افضل مجوکہ نے 26 نومبر کے احتجاج پر درج مقدمات کے معاملے پر بشریٰ بی بی کی 3 عبوری ضمانت کی درخواستوں پر سماعت کی۔

پراسیکیوٹر اقبال کاکٹر اور وکیل خالد یوسف چوہدری عدالت میں پیش ہوئے۔

سماعت کے دوران بشریٰ بی بی کے وکیل خالد یوسف چوہدری نے استثنیٰ کی درخواست دائر کی، جس پر پراسیکیوٹر اقبال کاکڑ نے کہا کہ انہوں نے اپنے ضمانتیں مچلکے ہی جمع نہیں کرائے۔

جج نے سوال کیا کہ آپ نے ابھی تک ضمانتی مچلکے ہی جمع نہیں کرائے، وکیل خالد یوسف چوہدری نے جواب دیتے ہوئے کہا کہ آج 190 ملین پاؤنڈ ریفرنس کا فیصلہ ہے بشریٰ بی بی نے اڈیالہ جیل جانا ہے۔

جج نے ریمارکس دیتے ہوئے کہا کہ عدالت کے حکم پر آپ عمل درآمد ہی نہیں کر رہے، آپ کی تین عبوری درخواست ضمانتیں خارج کی جاتی ہیں۔

بعدازاں عدالت نے بشریٰ بی بی کی تین عبوری درخواست ضمانتوں مسترد کر دیں۔