بانی پی ٹی آئی اور بشریٰ بی بی کیخلاف توشہ خانہ ٹو کیس میں اہم پیشرفت

ویب ڈیسک

19th Sep, 2025. 10:37 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بانی پی ٹی آئی اور بشریٰ بی بی کیخلاف توشہ خانہ ٹو کیس میں اہم پیشرفت

اسلام آباد ہائی کورٹ میں توشہ خانہ ٹو کیس میں بانی پی ٹی آئی اور بشریٰ بی بی کی بریت کی درخواستوں کو جلد سماعت کے لیے مقرر کرنے سے متعلق متفرق درخواستوں پر سماعت ہوئی۔

سماعت جسٹس انعام امین منہاس نے کی جبکہ درخواست گزاروں کی جانب سے بیرسٹر سلمان صفدر، علی بخاری، سردار مصروف اور دیگر وکلاء عدالت میں پیش ہوئے۔

بیرسٹر سلمان صفدر نے استدعا کی کہ بریت کی درخواستیں پیر کو مقرر کی جائیں تاکہ جلد فیصلہ ہو سکے۔ جس پر جسٹس انعام امین منہاس نے ریمارکس دیے کہ روسٹر دیکھ کر بتا دیں گے۔

دوران سماعت وکلاء نے اپنے مؤقف میں کہا کہ ایک ماہ سے کیسز تیزی سے چل رہے ہیں اور پیر کو فیصلہ متوقع ہے، ہماری امیدیں اب صرف ہائیکورٹ سے ہیں۔

مزید پڑھیں: توشہ خانہ ٹو کیس کے 2 اہم گواہان کے بیانات سامنے آگئے

وکلاء نے کہا کہ بار بار فیصلوں کے بعد ریلیف ملنے میں وقت لگ رہا ہے، جب کیسز مقرر نہیں ہوتے تو فرسٹریشن بڑھتی ہے، نیب اور پولیس پراسیکیوشن کر چکے، اب ایف آئی اے کو یاد آیا ہے، ضمانت فیصلے میں لکھا گیا کہ جرم نہیں، پھر ٹرائل کیوں ہو رہا ہے؟ اگر پیر تک سماعت نہ ہوئی تو ٹرائل کا فیصلہ آ جائے گا۔

جسٹس انعام امین منہاس نے کہا کہ پیر کو ان کے پاس بہت سے کیسز ہیں لیکن وہ دیکھ لیں گے۔

بعدازاں عدالت نے مزید سماعت ملتوی کر دی۔